https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


11 распрацовак БДУ ўдастоены ўзнагарод на навуковым конкурсе ў Санкт-Пецярбургу


Конкурс праходзіў у Санкт-Пецярбургу, у рамках XXVI Міжнароднай выставы-кангрэса «Высокія тэхналогіі. Інавацыі. Інвестыцыі» (HI-TECH’2020).
На конкурсе «Найлепшы інавацыйны праект і лепшая навукова-тэхнічная распрацоўка года» распрацоўкі вучоных БДУ заваявалі шэсць залатых, тры срэбныя медалі і два дыпломы. 

Залатымі медалямі адзначаны навацыі «Унітэхпрама» «Шматфункцыянальны вымяральны комплекс «Alma Meter 2», «Арганізацыя прамысловай вытворчасці абагачальных фітакомплексаў і лінейкі хлебабулачных вырабаў з паніжаным утрыманнем паваранай солі і ўзбагачаных вітамінамі групы В», «Распрацоўка лінейкі мясных вырабаў з фітакампазіцыямі ( «Аўрора — 7, „Салюс“) з паніжаным утрыманнем паваранай солі, узбагачаных селенам і вітамінамі групы В». Таксама «золата» заваявалі распрацоўкі Інстытута прыкладных фізічных праблем БДУ і і фізічнага факультэта ўніверсітэта.

Усяго ад БДУ было заяўлена 11 распрацовак і ўсе яны былі ўдастоены ўзнагарод. Штогод у конкурсе прымае ўдзел каля 200 распрацовак з Расіі і краін блізкага замежжа. БДУ ўдзельнічае ў Пецярбургскім тэхнічным кірмашы з 2005 года. За гэты перыяд, уключаючы бягучы год, на яго рахунку ўжо 4 гран-пры, 35 залатых узнагарод, 45 — срэбных і 16 дыпломаў.

Надзея Нікалаева
Звязда, 21 верасня 2020
 
Дата публикации:21.09.2020
Тематика:Бизнес, Образование в Беларуси
Просмотров:348
 
Ключевые слова:
Наука Производство Технологии Белорусский государственный университет
 
 


Комментарии



 



Другие новости по этой теме