https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Поўнасцю абноўлены цыкл школьных праграм увядуць у Беларусі ў 2021/2022 навучальным годзе


У Беларусі распрацаваны новыя праграмы па ўсіх навучальных прадметах з 1 па 11 клас. Яны будуць уводзіцца паэтапна.
Уся ж лінейка будзе ўведзена ў 2021/2022 навучальным годзе, паведаміў у час круглага стала ў прэс-цэнтры БЕЛТА па пытаннях падрыхтоўкі да новага навучальнага года і Рэспубліканскага педагагічнага савета дырэктар Нацыянальнага інстытута адукацыі Сяргей Важнік.

Цяпер праведзена вялікая работа ў галіне абнаўлення зместу агульнай сярэдняй адукацыі. У цэлым змяненні зведалі 233 навучальныя праграмы. Дырэктар інстытута расказаў, што ў новых праграмах зменшаны аб`ём тэарэтычнага матэрыялу, ён адаптаваны з улікам узроставых асаблівасцей вучняў, а таксама выключана складаная тэрміналогія.

"У сувязі з тым, што вучань, які скончыў 9 класаў, павінен ведаць асноўны змест таго ці іншага прадмета, сфарміравана адносная завершанасць зместу праграм 5 і 9 класаў. Праграмы пераглядаюцца з пункту гледжання пераемнасці і ўпершыню з пункту гледжання міжпрадметных сувязей, узмоцнены практыка-арыентаваны змест праграм, пры захаванні яго фундаментальнасці і сістэмнасці", - растлумачыў Сяргей Важнік.

"Вельмі важна, каб вучань не проста атрымліваў веды, але і вучыўся сам іх здабываць і прымяняць на практыцы ў розных жыццёвых сітуацыях. Пры гэтым вучні павінны авалодваць практычнымі ўменнямі і навыкамі, якія неабходны ў штодзённым жыцці", - падкрэсліў дырэктар Нацыянальнага інстытута адукацыі.

У сваю чаргу намеснік міністра адукацыі Раіса Сідарэнка адзначыла, што па новых праграмах у наступным годзе будуць працаваць 1 і 2, 5 і 6, 10 і 11 класы.

У Беларусі распрацаваны новыя праграмы па ўсіх навучальных прадметах з 1 па 11 клас. Яны будуць уводзіцца паэтапна.

7 ліпеня 2016, Мінск
Ганна Панкратава - БЕЛТА
 
Дата публикации:07.07.2016
Тематика:Образование, Образование в Беларуси
Просмотров:1198
 
Ключевые слова:
Школьная программа
 
 


Комментарии



 



Другие новости по этой теме