https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


У Беларусі адменены ўказ № 488 "Аб некаторых мерах па папярэджанні незаконнай мінімізацыі сум падатковых абавязацельстваў" (указ аб "ілжэпрадпрымальніцтве")


Адмена дакумента прадугледжаная ўказам № 151, які Аляксандр Лукашэнка падпісаў 18 красавіка.
"Страціў сілу ўказ ад 23 кастрычніка 2012 года № 488 "Аб некаторых мерах па папярэджанні незаконнай мінімізацыі сум падатковых абавязацельстваў", бо заканадаўчыя нормы, скіраваныя на забеспячэнне паўнаты выплаты падаткаў, замацаваныя непасрэдна ў Падатковым кодэксе", — гаворыцца ў паведамленні прэс-службы прэзідэнта.

Рэзанансны ўказ № 488 увайшоў у сілу ў 2013 годзе і быў закліканы ўзмацніць барацьбу з гэтак званымі лжэпрадпрымальніцкімі структурамі. Такія арганізацыі дзяржорганы сталі ўключаць у рэестр камерцыйных арганізацый і індывідуальных прадпрымальнікаў з павышанай рызыкай здзяйснення правапарушэнняў у эканамічнай сферы. Спасылаючыся на нормы 488-га ўказа, правяральшчыкі сталі ануляваць усе здзелкі, якія калі-небудзь заключалі арганізацыі, што трапілі ў рэестр.

Бізнес-саюзы падкрэслівалі, што гэта прывяло да санкцый і ў дачыненні да добрасумленных прадпрымальнікаў, а ўказ № 488 па сутнасці стаў інструментам эканамічных рэпрэсій у краіне, негатыўным фактарам для беларускіх і замежных інвестараў.

Намеснік міністра фінансаў Дзмітрый Кійко, адказваючы 18 лістапада мінулага года на пытанні журналістаў у Палаце прадстаўнікоў, паведаміў, што дзеянне ўказа № 488 плануецца поўнасцю адмяніць 1 студзеня 2019 года.

"Асобныя моманты, скіраваныя на спыненне дзейнасці лжэпрадпрымальніцкіх структур, увойдуць і ўжо ўключаныя ў Падатковы кодэкс, які набудзе моц з наступнага года", — растлумачыў чыноўнік.

Змены ў Падатковы кодэкс увайшлі ў сілу са студзеня 2019 года.

Аляксей Арэшка, БелаПАН
Мінск, 18 красавіка 2019
 
Дата публикации:18.04.2019
Тематика:Бизнес, Законодательство
Просмотров:383
 
Ключевые слова:
Предпринимательство Экономика Правонарушения
 
 


Комментарии



 



Другие новости по этой теме