Курс валютпокупкапродажа
USD346.52347.51
EUR403.68406.44
RUR5.455.5
www.kurs.kz
 


 



Найти
 
 


У Музеі абароны Брэсцкай крэпасці 21 чэрвеня адкрываецца выстаўка "Бессмяротны горад нашай славы" з фондаў дзяржаўнага Музея гераічнай абароны і вызвалення Севастопаля


Пра гэта паведаміла загадчыца навукова-экспазіцыйнага аддзела мемарыяльнага комплексу "Брэсцкая крэпасць-герой" Алена Міцюкова.
Музеі Брэсцкай крэпасці і Севастопаля абмяняліся выстаўкамі

Выстаўка прысвечана абароне Севастопаля ў 1941-1942 гадах і складаецца з больш як 50 буйнафарматных фатаграфій. На іх паказаны баявыя дзеянні на гэтым участку фронту Вялікай Айчыннай вайны, а таксама іх удзельнікі - ваенныя лётчыкі, маракі, пехацінцы, мірнае насельніцтва.

Частка экспазіцыі прысвечана непасрэдна гораду марской славы Расіі. Наведвальнікі могуць убачыць, як выглядалі пэўныя будынкі, вуліцы Севастопаля пры яго вызваленні ў 1944 годзе і як яны выглядаюць цяпер.

Выстаўка "Бессмяротны горад нашай славы" будзе экспанавацца да 30 верасня.

А 22 чэрвеня ў Севастопалі адкрыецца фотадакументальная выстаўка з фондаў Музея абароны крэпасці. У перасовачнай экспазіцыі "Брэсцкая крэпасць. Дарогамі памяці" прадстаўлена звыш 270 фатаграфій і дакументаў.

Гэта своеасаблівы музей у мініяцюры, які ахоплівае ўсю 180-гадовую гісторыю Брэсцкай крэпасці, - з моманту яе стварэння да нашых дзён. Але, безумоўна, цэнтральнае месца ў экспазіцыі займае тэма абароны цытадэлі над Бугам.

Жыхары Севастопаля змогуць азнаёміцца з успамінамі абаронцаў крэпасці, вытрымкамі з данясенняў нямецкіх афіцэраў, фатаграфіямі, іншымі матэрыяламі.

"Мы арганізавалі гэта мерапрыемства менавіта да Дня памяці і смутку. Спадзяюся, гэта не апошні наш сумесны выставачны праект. У чэрвені 1941 года як Брэст, так і Севастопаль аказаліся на вастрыі ўдару ворага і аднымі з першых зведалі напад. Яны не толькі выстаялі, але і прадэманстравалі ўзоры стойкасці і мужнасці, за што былі ўдастоены ганаровых званняў "горад-герой" і "крэпасць-герой", - адзначыла Алена Міцюкова.

Таксама ў гэтыя дні ў Беларускім гісторыка-мастацкім музеі-дыяраме "Курская бітва. Белгародскі напрамак" экспануецца аб`ёмная выстаўка "Брэсцкая крэпасць. Цытадэль памяці".

Сярод экспанатаў сапраўдныя дакументы, асабістыя рэчы абаронцаў, прадметы, знойдзеныя пры раскопках руін крэпасці.

Акрамя таго, 25 мая ў Смаленску адкрылася перасовачная выстаўка з фондаў мемарыяльнага комплексу "Я - крэпасць, вяду бой...", якая будзе там працаваць да 10 ліпеня.

21 чэрвеня 2018, Брэст
БЕЛТА
 
Дата публикации:21.06.2018
Тематика:Культура, Союзное государство
Просмотров:52
 
Ключевые слова:
Брэст Севастопаль Великая Отечественная война Выставка
 
 


Комментарии



 



Другие новости по этой теме