https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Рашэнні ўрада РФ па фінансавых узаемаадносінах з Беларуссю могуць быць прынятыя пасля ўзгаднення бачання далейшай інтэграцыі з Расіяй


Аб гэтым паведаміў першы віцэ-прэм`ер РФ, міністр фінансаў Антон Сілуанаў у кулуарах Пецярбургскага міжнароднага эканамічнага форуму.
"Мы дамовіліся з Беларуссю, што нам неабходна прымаць комплексныя рашэнні, якія б тычыліся бачання нашай далейшай інтэграцыі ў частцы саюзнай дамовы. Тады мы будзем разумець і арбіту нашых фінансавых узаемаадносінаў", — цытуе Сілуанова ТАСС.

Ён растлумачыў, што раней вырашэння пытання з інтэграцыяй не мае сэнсу "выдзіраць" пытанні кампенсацыі за страты ад падатковага манера або пытанні крэдытавання краіны. "Усё гэта трэба глядзець у комплексе, у частцы таго, як мы будзем рухацца па інтэграцыі ў частцы тых мерапрыемстваў, якія ўтрымліваюцца ў саюзным дагаворы. Сёння мы спрабуем абнавіць яго, каб мы бачылі разуменне нашай дарожнай карты", — сказаў першы віцэ-прэм`ер.

Варта адзначыць, што Беларусь чакае канчатковага рашэння Расіі аб выдзяленні крэдыту на 600 млн долараў для рэфінансавання існага перад РФ доўгу. "Мы ведаем, што ў бюджэце Расійскай Федэрацыі на гэты год гэтыя сродкі закладзеныя, застаецца рашэнне аб іх даванні", — заявіў журналістам 16 мая ў Мінску намеснік міністра фінансаў Андрэй Белкавец. Паводле яго слоў, расійскі бок пакуль не падаў беларускаму праект пагаднення па гэтым запазычанні.

Белкавец падкрэсліў, што ў якасці альтэрнатывы расійскаму крэдыту дзяржорганы разглядаюць магчымасць прыцягнення незвязанага запазычання ў Кітаі на 500—600 млн долараў.

Тэрміны разгляду пытання аб выдзяленні Беларусі сёмага траншу крэдыту Еўразійскай фонду стабілізацыі і развіцця таксама зацягваюцца. У 2016—2018 гадах краіна атрымала шэсць траншаў крэдыту на 1,8 млрд долараў. Апошні, сёмы, транш (на 200 млн долараў) беларускія ўлады разлічвалі атрымаць у першым квартале 2019 года.

Акрамя гэтага, у падвешаным стане застаецца пытанне магчымай кампенсацыі па падатковым манеўры. З-за яго рэалізацыі ў нафтавай галіне Расіі страты Беларусі ў 2019—2024 гадах могуць скласці больш за 10 млрд долараў.

Аляксей Арэшка, БелаПАН
Мінск, 8 чэрвеня 2019
 
Дата публикации:08.06.2019
Тематика:Новости, Союзное государство
Просмотров:485
 
Ключевые слова:
Беларусь-Россия Интеграция Финансы
 
 


Комментарии



 



Другие новости по этой теме