https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Пагадненне аб узаемным прызнанні віз паміж Беларуссю і Расіяй уступіць у сілу ў канцы бягучага - пачатку наступнага года


Такое меркаванне выказаў пасол Беларусі ў Расіі Уладзімір Сямашка 2 ліпеня падчас анлайн-брыфінгу, прымеркаванага да Дня Незалежнасці Беларусі.
"Гэта міжурадавае пагадненне не можа быць у момант уведзена, ёсць пэўны працэс ратыфікацыі, потым абмен нотамі, - сказаў Уладзімір Сямашка. - Ратыфікацыя звычайна - месяцы тры, абмен нотамі - месяц. Таму мы лічым, што можа да канца гэтага года, пачатку наступнага - у студзені месяцы - гэта ўсё пачне працаваць".

Пагадненне было падпісана 19 чэрвеня ў Мінску міністрамі замежных спраў Беларусі і Расіі Уладзімірам Макеем і Сяргеем Лаўровым. Яно прадугледжвае права замежных грамадзян уязджаць, выязджаць, знаходзіцца, перамяшчацца транзітам па тэрыторыі дзвюх дзяржаў на падставе візы адной з іх і дакументаў, што засведчваюць асобу. Замежныя грамадзяне змогуць перамяшчацца паветраным, чыгуначным транспартам, а таксама па шасці аўтамабільных дарогах, якія вызначаны ў дадатку да пагаднення.

1 ліпеня 2020, Масква
Эдуард Півавар - БЕЛТА
 
Дата публикации:01.07.2020
Тематика:Бизнес, Союзное государство
Просмотров:331
 
Ключевые слова:
Россия Визовый режим Транзит
 
 


Комментарии



 



Другие новости по этой теме