https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Расія ў 2017 годзе паставіла Беларусі шэсць верталётаў Мі-8МТВ-5 і батарэю зенітнага ракетнага комплексу "Тор-М2"


Пра гэта паведаміў у Астрахані камандуючы Ваенна-паветранымі сіламі і войскамі супрацьпаветранай абароны Узброеных сіл Беларусі генерал-маёр Ігар Голуб.
"У рамках ваенна-тэхнічнага супрацоўніцтва для нарошчвання нашай адзінай рэгіянальнай групоўкі мы ў першым паўгоддзі гэтага года паводле раней падпісаных кантрактаў з РФ атрымалі на ўзбраенне шэсць верталётаў Мі-8МТВ-5, чацвёртую батарэю зенітнага ракетнага комплексу "Тор-М2", — цытуе беларускага камандуючага ТАСС.

Таксама Мінабароны Беларусі заключыла кантракт з навукова-вытворчай карпарацыяй "Іркут" на пастаўку 12 самалётаў Су-30см з 2018-га па 2020 год і кантракт на пастаўку радыёлакацыйных станцый "Праціўнік-ГЕ", паведаміў Голуб.

"Усе гэтыя мерапрыемствы накіраваныя на нарошчванне нашай адзінай рэгіянальнай групоўкі войскаў і сіл. Рэгіянальная сістэма СПА Расіі і Беларусі працягвае ўдасканальвацца для эфектыўнай работы", — падкрэсліў камандуючы.

Ён нагадаў, што ў канцы жніўня прайшлі аператыўна-тактычныя вучэнні з авіяцыяй ВПС і войскаў СПА Рэспублікі Беларусь, у якіх узялі ўдзел сілы і сродкі ВКС Расіі. Падчас гэтых манеўраў бакі адпрацавалі прымяненне адзінай рэгіянальнай сістэмы СПА Беларусі і Расіі для забеспячэння бяспекі Саюзнай дзяржавы.

Ігар Голуб быў прызначаны камандуючым Ваенна-паветранымі сіламі і войскамі супрацьпаветранай абароны Узброеных сіл Беларусі ўказам прэзідэнта Беларусі № 315 ад 31 жніўня. У Астраханскай вобласці на расійскім палігоне Ашулук ён кіраваў тактычнымі вучэнняў з баявой стральбой беларускіх разлікаў зенітных ракетных войскаў.

БелаПАН
Мінск, 7 верасня 2017
 
Дата публикации:07.09.2017
Тематика:Бизнес, Союзное государство
Просмотров:838
 
Ключевые слова:
Безопасность Вооружение Противоракетная оборона
 
 


Комментарии



 



Другие новости по этой теме