https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Пытанне аб размяшчэнні ваеннай базы Расіі на тэрыторыі Беларусі не стаіць на парадку дня ў адносінах дзвюх дзяржаў


Пра гэта заявіў міністр замежных спраў Беларусі Уладзімір Макей у інтэрв`ю інфармагенцтву РБК, тэкст якога размешчаны на сайце МЗС.
Журналісты пацікавіліся, з чым была звязаны адмова Мінска размяшчаць ваенную базу Расіі на тэрыторыі Беларусі (пра гэтае рашэнне беларускага боку распавёў раней у інтэрв`ю міністр замежных спраў Расіі Сяргей Лаўроў) і ці абмяркоўваецца гэтае пытанне цяпер.

"Што тычыцца прыняцця самога рашэння па размяшчэнні або неразмяшчэння базы, таго ці іншага ваеннага аб`екта ў Беларусі і магчымага ўплыву знешніх сіл на прыняцце гэтага рашэння, хачу сказаць адназначна: ніколі Беларусь не будзе прымаць нейкае прынцыповае рашэнне пад уплывам нейкіх вонкавых сіл. Калі кіраўніцтва Беларусі прымае рашэнне, то толькі зыходзячы з аналізу адпаведнасці гэтага нашым нацыянальным інтарэсам. Гэта асноўны прынцып", - падкрэсліў Уладзімір Макей.

"Што тычыцца самой прапановы - размяшчаць або не размяшчаць базу на тэрыторыі Беларусі, то вы ведаеце, з улікам развіцця сучасных тэхналогій няма сэнсу ў такім рашэнні. Калі б Беларусь размясціла на сваёй тэрыторыі нейкія дадатковыя ваенныя аб`екты, я не думаю, што гэта спрыяла б умацаванню стабільнасці, бяспекі ў нашым рэгіёне, - сказаў міністр. - І потым, навошта размяшчаць на тэрыторыі Беларусі дадатковыя ваенныя аб`екты - ваенна-паветраную базу, пра якую ішла гаворка, калі сёння тыя ж самыя ракеты могуць літаральна за лічаныя хвіліны дасягнуць іншага кантынента, зваротнага боку нашай планеты. Таму няма ні практычнага, ні палітычнага, ні ваеннага сэнсу ў рэалізацыі гэтай прапановы".

Звязда, 1 кастрычніка 2019
 
Дата публикации:01.10.2019
Тематика:Новости, Союзное государство
Просмотров:435
 
Ключевые слова:
Беларусь-Россия Военная база Интеграция Национальная безопасность
 
 


Комментарии



 



Другие новости по этой теме