https://www.kurs.kz/ - Курсы валют в обменных пунктах г. Алматы и других городах Казахстана
 


 




Найти
 
 


Беларусь за год павялічыла аб`ём паставак малакапрадуктаў у РФ амаль на 1 млн т.


Аб гэтым паведаміў начальнік галоўнага ўпраўлення знешнеэканамічнай дзейнасці Мінсельгасхарча Беларусі Аляксей Багданаў, каменціруючы ўдзел краіны ў Сусветным малочным кангрэсе ў Вільнюсе.
"У выпадку адмены расійскага харчовага эмбарга Беларусь не аддасць свае рынкі і будзе змагацца з еўрапейскімі малакаперапрацоўшчыкамі за месца на паліцы, выкарыстоўваючы ўвесь арсенал маркетынгавых інструментаў. За год існавання расійскіх спецыяльных эканамічных мер адносна заходніх краін наша краіна павялічыла аб`ём паставак малакапрадуктаў у Расійскую Федэрацыю амаль на 1 млн т, што дало магчымасць пазбегнуць таварнага дэфіцыту і азнаёміць максімальную колькасць расійскіх спажыўцоў з якаснымі беларускімі прадуктамі", - падкрэсліў Аляксей Багданаў.

"Да 2020 года наша краіна плануе атрымліваць не менш як 9 млн т малака, а гэта больш як 2 млн т прыросту. З улікам таго, што Беларусь ужо сёння вырабляе ў 2,8 раза больш малака, чым спажывае, увесь дадатковы аб`ём будзе адпраўлены на экспарт. І ў сувязі з гэтым мы ўжо сёння павінны думаць аб рынках збыту: замацоўвацца на традыцыйных і актыўна выходзіць на новыя", - адзначыў Аляксей Багданаў.

Паводле даных Еўрапейскай Камісіі, Беларусь займае пяты радок у Топ-10 вядучых сусветных экспарцёраў малочнай прадукцыі. Як адзначыў прадстаўнік Мінсельгасхарча, беларускія малакавытворцы за 7 месяцаў бягучага года павялічылі вытворчасць сырога малака на 7,2 працэнта і не збіраюцца спыняцца на дасягнутым.

Сусветны малочны кангрэс, арганізаваны Міжнароднай малочнай федэрацыяй, прайшоў з 20 па 24 верасня ў Вільнюсе. Ён сабраў больш як 1200 спецыялістаў з розных краін свету ў галіне вытворчасці, перапрацоўкі і маркетынгу малака і малочных прадуктаў. На працягу пяці дзён ішло абмеркаванне ўсіх пытанняў, звязаных з малочнай галіной, пачынаючы ад праблем глабальнай перавытворчасці малака і, як вынік, спаду цэн, да культуры яго спажывання.

25 верасня 2015, Мінск
БЕЛТА
 
Дата публикации:25.09.2015
Тематика:Товары из Беларуси, Союзное государство
Просмотров:1013
 
Ключевые слова:
Молочная продукция Беларусь-Россия Всемирный молочный Конгресс
 
 


Комментарии



 



Другие новости по этой теме