https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Расія захавае парадак свабоднага ўезду для грамадзян Беларусі


Аб гэтым заявіў дзяржсакратар Саюзнай дзяржавы Беларусі і Расіі Рыгор Рапота, выступаючы 15 чэрвеня на сесіі Парламенцкага сходу Саюзнай дзяржавы ў Мінску.
"У Расіі прапрацоўваюць умовы захавання бесперашкоднага перамяшчэння грамадзян Беларусі і Расіі. У апошнія дні зроблены рашучыя захады для таго, каб захаваць той парадак, які быў і раней", — сказаў ён.

Паводле слоў Рапоты, апошнім часам "паўсталі некаторыя складанасці" ў сувязі з пераводам у міжнародныя тэрміналы расійскіх аэрапортаў рэйсаў, якія прыбываюць з Беларусі.

Дзяржсакратар таксама выключыў магчымасць увядзення віз паміж Беларуссю і Расіяй на перыяд чэмпіянату свету па футболе, які пройдзе ў Расіі ў наступным годзе. "Гэта выключаецца, — падкрэсліў ён. — Наадварот, цяпер прапрацоўваецца пытанне забеспячэння яшчэ большай свабоды перамяшчэння для грамадзян трэціх краін. Я так мяркую, гэта пытанне яшчэ ў стадыі прапрацоўкі, але, мабыць, у нейкіх сітуацыях дастаткова будзе проста паказаць квіток, набыты на спаборніцтвы, з тым каб перасекчы мяжу".

15 мая Расія ў аднабаковым парадку змяніла тэхналогію абслугоўвання пасажыраў, якія ляцяць з Беларусі. Усе рэйсы ў расійскія гарады з унутраных тэрміналаў пераведзены ў міжнародныя сектары расійскіх аэрапортаў. Ажыццяўляецца таксама пагранічны кантроль паветраных суднаў і пасажыраў, якія прылятаюць з Беларусі і ляцяць назад. Для праходжання кантролю грамадзянам Беларусі і Расіі неабходна паказаць дакумент, які сведчыць іх асобу, а таксама пасадачны талон, што пацвярджае іх прылёт з Беларусі альбо вылет у Беларусь адпаведным авіярэйсам. Кантроль грамадзяне праходзяць па спецыяльна выдзеленых калідорах.

Таццяна Каравянкова, БелаПАН
Мінск, 15 чэрвеня 2017
 
Дата публикации:15.06.2017
Тематика:Транспорт, Союзное государство
Просмотров:924
 
Ключевые слова:
Беларусь-Россия Визовый режим
 
 


Комментарии



 



Другие новости по этой теме