https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


У ПВТ пройдзе найбуйнейшая ў Беларусі канферэнцыя па электроніцы, робататэхніцы і інтэрнэту рэчаў


Найбуйнейшая ў Беларусі канферэнцыя па электроніцы, робататэхніцы і інтэрнэту рэчаў "Party Hard! 2017" пройдзе 25 лютага ў бізнес-інкубатары Парку высокіх тэхналогій.
Гэта міжнароднае прафесійнае мерапрыемства для інжынераў-электроншчыкаў, сістэматэхнікаў, праекціроўшчыкаў, а таксама аматараў, якія канструююць уласныя электронныя прылады і прыборы. У перапынках паміж дакладамі наведвальнікі змогуць пазнаёміцца з беларускімі распрацоўкамі і стартапамі.

Як паведамілі ў аргкамітэце форуму, даклады будуць прысвечаныя двум асноўным напрамкам: непасрэдна распрацоўцы харду і вядзенню бізнесу ў гэтай сферы. Сярод тэм: сусветныя тэндэнцыі ў галіне электронікі, робататэхніка, інтэрнэт рэчаў, big data, прасоўванне і продаж прылад. Будуць таксама закранутыя пытанні інтэлектуальнай уласнасці, бо гэта адзін з ключавых актываў распрацоўшчыка.

Уваход на мерапрыемства будзе вольным для ўсіх ахвотных, якія папярэдне зарэгістраваліся на сайце. Арганізатарамі канферэнцыі выступаюць Парк высокіх тэхналогій і IT-партал kv.by.

Аляксей Арэшка, БелаПАН
Мінск, 12 лютага 2017
 
Дата публикации:12.02.2017
Тематика:Новости, Парк высоких технологий
Просмотров:806
 
Ключевые слова:
Инновации Программирование Интернет Робототехника Электроника
 
 


Комментарии



 



Другие новости по этой теме