https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Віртуальная табліца Мендзялеева і электронны пашпарт лёгкіх - Прэзідэнт Арменіі ацаніў распрацоўкі ПВТ


Прэзідэнт Арменіі Армен Саркісян наведаў 1 ліпеня Парк высокіх тэхналогій, дзе ацаніў распрацоўкі рэзідэнтаў і правёў сустрэчу з дырэктарам ПВТ Усеваладам Янчэўскім, паведамілі ў прэс-службе парка.
Армену Саркісяну паказалі праекты кампаніі "Солар ЛС": лазеры для анлайн-кантролю хімічнага саставу руды, абсталяванне для дробных хірургічных аперацый і транспланталогіі органаў. Сёння больш за 3 тыс. прадпрыемстваў па ўсім свеце выкарыстоўваюць беларускія лазерныя сістэмы. Палавіна самалётаў на рынку прамаркіраваны лазерамі рэзідэнта ПВТ.

Кампанія з 30-гадовай практыкай у мінулым годзе ўступіла ў парк. Дэлегацыя з Арменіі таксама пратэсціравала электронны пашпарт лёгкіх, аднаму з членаў дэлегацыі змералі ўзровень шуму ў лёгкіх з дапамогай смартфона і электроннага стэтаскопа стартапа Lung Passport.

"Гэта можа стаць часткай электроннай медыцыны", - сказаў Армен Саркісян. Зацікавілі і распрацоўкі ў галіне нанатэхналогій - матэрыялы для сонечных панэлей і спадарожнікаў кампаніі "Ізовак". Аграстартап Onesoil паказаў тэхналогію "алічбоўкі" фермерскіх палёў па ўсім свеце. Усевалад Янчэўскі прадэманстраваў Армену Саркісяну віртуальную табліцу Мендзялеева, падкрэсліўшы, што Беларусь можа стаць адной з першых дзяржаў у свеце, якая пачне праводзіць школьныя ўрокі з дапамогай віртуальнай рэальнасці.

"Самае галоўнае - зрабіць адукацыю цікавай. Віртуальныя тэхналогіі, вядома, далёка не ўсе праблемы вырашаць, але яны могуць зрабіць урокі і лекцыі больш жывымі і зразумелымі. У гэтай сферы мы дзелімся вопытам з рознымі краінамі", - падкрэсліў Усевалад Янчэўскі.

"Пасля наведвання выстаўкі ўсіх ІТ-рашэнняў бачна стратэгічная падтрымка ІТ-галіны. Уражвае вельмі шырокі спектр распрацовак - ад агракультуры да авіяцыйных тэхналогій", - падзяліўся ўражаннямі ад візіту ў ПВТ Прэзідэнт Арменіі.

1 ліпеня 2019, Мінск
БЕЛТА
 
Дата публикации:01.07.2019
Тематика:Бизнес, Парк высоких технологий
Просмотров:244
 
Ключевые слова:
Технологии Инновации Лазер
 
 


Комментарии



 



Другие новости по этой теме