https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Беларусь і Кітай створаць цэнтр па інкубаванні інавацыйных праектаў


Навукова-тэхналагічны парк БНТУ "Палітэхнік" і тэхнапарк Шанхайскага ўніверсітэта створаць Кітайска-беларускі цэнтр па інкубаванні інавацыйных праектаў.
Як паведаміла прэс-служба Дзяржаўнага камітэта па навуцы і тэхналогіях, пагадненне аб гэтым бакі падпісалі ў рамках пасяджэння камісіі па навукова-тэхнічным супрацоўніцтве, якое прайшло ў Пекіне 4—5 верасня пад кіраўніцтвам старшыні ДКНТ Аляксандра Шуміліна і міністра навукі і тэхналогій КНР Ван Чжыгана.

"У выніку рэалізацыі гэтага праекта плануецца выконваць не менш за 20—30 навукова-тэхнічных і інавацыйных праектаў штогод і камерцыялізаваць сумесна створаную навукова-тэхнічную прадукцыю", — адзначыла прэс-служба.

У ходзе пасяджэння бакі падпісалі таксама пагадненні аб стварэнні Кітайска-беларускага цэнтра па супрацоўніцтве ў галіне трансфармацыі навукова-тэхнічных дасягненняў і прадпрыемства па вытворчасці абсталявання для выкарыстання сонечнай энергіі ў Кітайска-беларускім індустрыяльным парку "Вялікі камень".

Акрамя таго, беларускія ВНУ плануюць выконваць з кітайскімі партнёрамі сумесныя навукова-даследчыя праекты і распрацоўкі для прасоўвання навукаёмістых тэхналогій і інавацыйнай прадукцыі.

Па выніках другога пасяджэння камісіі Шумілін і Ван Чжыган падпісалі выніковы пратакол і зацвердзілі праграму-беларуска-кітайскага навукова-тэхнічнага супрацоўніцтва на 2019—2020 гады.

Марына Носава, БелаПАН
Мінск, 5 верасня 2018
 
Дата публикации:05.09.2018
Тематика:Индустриальный парк в Беларуси, Парк высоких технологий
Просмотров:690
 
Ключевые слова:
Китай Технологии Инновации Сотрудничество
 
 


Комментарии



 



Другие новости по этой теме