Курс валютпокупкапродажа
USD328328.97
EUR382.42385.52
RUR5.275.32
www.kurs.kz
 


 



Найти
 
 


"Белавія" абяцае зніжэнне кошту на чартары і рэгулярныя рэйсы


Мяркуецца, што ў 2018 годзе кошт у еўра будзе ніжэй на 5% па асноўных напрамках.
Авіякампанія "Белавія" плануе знізіць у сярэднім на 5% кошт квіткоў па асноўных еўрапейскіх напрамках, заявіў перад пачаткам выніковай калегіі міністэрства транспарту і камунікацый генеральны дырэктар кампаніі Анатоль Гусараў.

"Што тычыцца кошту білетаў на рэгулярных рэйсах "Белавія", то мы планамерна на працягу двух гадоў знаходзім рэзервы і па асноўных кірунках (той жа Парыж, Амстэрдам, Масква) цэны зніжаем. Сказаць, што ў гэтым годзе кошт будуць вышэйшы за мінулы год нельга, яны будуць крыху ніжэй па кожным маршруце ў межах 5%. Я кажу пра кошт квіткоў у еўра", — цытуе Гусарава агенцтва БелТА.

Пры гэтым паляцець у Егіпет, Турцыю, Балгарыю і Чарнагорыю яшчэ танней можна будзе з абласных цэнтраў. Такую цэнавую стратэгію "Белавія" выбрала, каб прыцягнуць больш кліентаў.

"Мы ў гэтым годзе стараемся арганізаваць больш рэйсаў з усіх абласных аэрапортаў у Турцыю, Егіпет, Балгарыю, Чарнагорыю. Каб прыцягнуць людзей, кошт пералётаў з абласных аэрапортаў будзе ніжэй, чым з Мінска", — заявіў Гусараў.

Гендырэктар "Белавія" падкрэсліў, што на чартэрных рэйсах авіякампанія знізіла цэны для сваіх партнёраў-тураператараў у раёне 5-7% па самым масавых напрамках. Пры гэтым Гусараў не змог сказаць, ці адчуе лаяльнасць перавозчыка турыст, які купляе ў тураператара адпачынак пакетам.

"Наколькі тураператары змогуць знізіць кошты на свае пакеты ў цэлым, не магу сказаць, бо сюды ўключаны кошт гатэляў, а гэты кошт крыху вырас. Як атрымаецца збалансаваць зніжэнне коштаў на пералёты і коштаў на гасцініцы, так і будзе выглядаць увесь пакет", — заўважыў Гусараў

Пры гэтым ён падкрэсліў, што авіякампанія вельмі зацікаўлена, каб на рынак выйшлі цэны крыху ніжэй леташніх.

Мінск, 9 лютага 2018
Sputnik
 
Дата публикации:09.02.2018
Тематика:Транспорт, Беларусь
Просмотров:133
 
Ключевые слова:
Ценообразование Белавія
 
 


Комментарии



 



Другие новости по этой теме