Курс валютпокупкапродажа
USD344.75345.8
EUR400.83403.2
RUR5.465.52
www.kurs.kz
 


 



Найти
 
 


Беларускі рубель трэці дзень запар імкліва слабее да долара і еўра


На Беларускай валютна-фондавай біржы раніцай 11 красавіка працягнуўся хуткі рост курсаў асноўных валют.
За першыя 40 хвілін каціроўка амерыканскага долара ўзрасла на 4,04 капейкі, або на 1,99%, да 2,0662 рубля, еўра — на 7,44 капейкі (2,99%) да 2,5623 рубля. Пры гэтым расійскі рубель упаў на 2,65 капейкі (0,82%) да 3,2242 рубля (за 100 адзінак).

Такім чынам, паводле вынікаў таргоў, якія завершацца ў 13.00, курс еўра можа ўсталяваць новы гістарычны рэкорд. Папярэдні быў зафіксаваны на таргах 12 лютага 2016 года — 2,4956 рубля (24.956 без уліку дэнамінацыі).

Напярэдадні долар падаражэў на 5,01 капейкі (2,54%) да 2,0258 рубля, еўра — на 6,52 капейкі (2,69%) да 2,4879 рубля. Расійскі рубель патаннеў на 10,83 капейкі (3,22%) да 3,2507 рубля (за 100).

З пачатку тыдня біржавы кошт амерыканскай валюты павялічыўся на 5,22%, еўра — на 6,73%, расійскага рубля — знізіўся на 5,02%.

Прычынай рэзкай змены курсаў валют стала сітуацыя на расійскім рынку, які хваравіта адрэагаваў на новы пакет санкцый, уведзеных Злучанымі Штатамі супраць РФ. З 7 да 11 красавіка афіцыйны курс долара да расійскага рубля вырас на 8,32% (з 57,5796 да 62,3699). Аб 11-й гадзіне 11 красавіка на Маскоўскай біржы долар таргаваўся па 63,81 рубля.

У курсаўтварэнні Нацыянальны банк Беларусі выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Дзмітрый Уласаў, БелаПАН
Мінск, 11 красавіка 2018
 
Дата публикации:11.04.2018
Тематика:Бизнес, Беларусь
Просмотров:78
 
Ключевые слова:
Белорусский рубль Финансы Курс валют Биржевые торги
 
 


Комментарии



 



Другие новости по этой теме