https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Беларусь абмежавала ўвоз птушкі, авечак і коз з шэрагу краін


Такая інфармацыя размешчана на сайце Дэпартамента ветэрынарнага і харчовага нагляду Мінсельгасхарча.
У прыватнасці, з 24 студзеня ўводзяцца абмежаванні на ўвоз у краіну авечак і коз з Пскоўскай вобласці Расіі. Паводле інфармацыі Сусветнай арганізацыі па ахове здароўя жывёл, у гэтым рэгіёне зарэгістраваны выпадак захворвання ўспрымальных відаў жывёл на воспу авечак і коз (асабліва небяспечная высокакантагіёзная хвароба).

Абмежаванні датычацца паставак забойных, племянных і свойскіх авечак і коз, успрымальных да захворвання дзікіх жывёл, заапаркавых і цыркавых дробных парнакапытных (авечкі, козы, ламы, туры, муфлоны, казярогі, казулі), малака і малочнай прадукцыі ад гэтых жывёл, скураной, рогакапытнай, смушкавай сыравіны, воўны, казінага пуху, кармавых дабавак і інш. Прыпыняецца дзеянне раней выдадзеных дазволаў на ўвоз названых тавараў з Пскоўскай вобласці.

Таксама з 24 студзеня Беларусь абмяжоўвае пастаўкі птушкі з асобных рэгіёнаў Славакіі, Украіны, Венгрыі, Чэхіі і Польшчы, на тэрыторыі якіх зарэгістраваны выпадкі захворвання птушак на высокапатагенны грып. Часовыя абмежаванні ўводзяцца на ўвоз жывой птушкі, інкубацыйных яек, дзікіх, заапаркавых і цыркавых успрымальных жывёл, мяса птушкі, яечнага парашку, меланжу, альбуміну і іншых харчовых прадуктаў перапрацоўкі курыных яек, пуху і пер`я, паляўнічых трафеяў (птушыная дзічына), іншай прадукцыі.

Акрамя таго, прыпыняюцца ўсе раней выдадзеныя дазволы на ўвоз вышэйназваных тавараў, за выключэннем тых, што выдаваліся на пастаўкі шротаў, якія прайшлі тэрмаапрацоўку ў працэсе вытворчасці, выкарыстоўваюцца для вырабу камбікармоў для жывёл і каштоўных відаў рыб.

У Дэпартаменце ветэрынарнага і харчовага нагляду Мінсельгасхарча інфармуюць аб неабходнасці прыняць дадатковыя меры кантролю па забеспячэнні біялагічнай абароны птушкагадоўчых аб`ектаў усіх форм уласнасці.

24 студзеня 2020, Мінск
БЕЛТА
 
Дата публикации:24.01.2020
Тематика:Бизнес, Беларусь
Просмотров:243
 
Ключевые слова:
Санитария Ветеринария Птичий грипп Оспа
 
 


Комментарии



 



Другие новости по этой теме