https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Які сёння дзень: 2 лістапада 2022 года


Гэты дзень з`яўляецца трыста шостым па грыгарыянскім календары, да канца года застаецца 59 дзён.
У гэты дзень католікі адзначаюць Дзяды. Якія яшчэ падзеі адбыліся 2 лістапада і чым адзначаны гэты дзень у народным календары, чытайце далей:

Гістарычныя падзеі 2 лістапада

У 1939 годзе Вярхоўны Савет СССР прыняў закон пра далучэнне Заходняй Беларусі да СССР і ўключэнне яе ў склад БССР.

Хто нарадзіўся 2 лістапада

1836 год: Міхал Андрыёлі, беларускі і польскі ілюстратар і мастак.
1869 год: Язэп Стаброўскі, вучоны-археолаг, краязнавец, філосаф і вынаходнік.
1906 год: Дзмітрый Бяляцкі, беларускі медык і навуковец, дзяржаўны дзеяч.
1909 год: Максім Лужанін, беларускі пісьменнік, кінадраматург, перакладчык.
1930 год: Аляксандр Баршчэўскі, беларускі літаратуразнаўца, перакладчык і фалькларыст.

Таксама сёння нарадзіліся каралева Францыі Марыя Антуанета і амерыканскі акцёр Берт Ланкастар.

2 лістапада ў народным календары

У гэты дзень праваслаўныя вернікі шануюць памяць святога вялікапакутніка Арцемія. Арцемію маліліся, каб ён пазбавіў "грыжнай хваробы", на якую звычайна пакутвалі хлебаробы, таму што ім прыходзілася насіць цяжкія мяхі з зернем і мукой.

У народзе верылі, што народжанага ў гэты дзень абараняе ваўчыца, таму што гэты чалавек вельмі блізкі лесу і яго насельнікам.

Вяскоўцы лічылі, што калі воўк перабег дарогу – гэта да шчасця, таму што, калі галодны драпежнік не крануў, значыць, і ліха абыдзе.

Воўчае выццё ў гэты дзень прадракала маразы. Калі на дрэвах была шэрань, наступны год будзе неўраджайны.

Sputnik, 2 лістапада 2022
 
Дата публикации:02.11.2022
Тематика:Культура, Беларусь
Просмотров:773
 
Ключевые слова:
Ноябрь Календарь Памятные даты
 
 


Комментарии



 



Другие новости по этой теме