https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Адвакаты будуць бясплатна кансультаваць выхаванцаў дзіцячых дамоў-інтэрнатаў і вёсак


Адвакаты вядуць актыўную работу па арганізацыі на пастаяннай аснове бясплатнай юрыдычнай дапамогі дзецям па абароне іх правоў, паведамілі ў Беларускай рэспубліканскай калегіі адвакатаў.
"Адвакатура ў межах сваёй кампетэнцыі прыняла рашэнне аб аказанні на пастаяннай аснове бясплатнай юрыдычнай дапамогі дзецям з дзіцячых дамоў-інтэрнатаў і дзіцячых вёсак Беларусі па абароне іх канстытуцыйных правоў (за выключэннем асабістых пытанняў вядзення бізнесу)", - паведамілі ў БРКА.

Адпаведныя пісьмы ўжо накіраваны ў дзяржаўныя сацыяльныя ўстановы па ўсёй рэспубліцы.

Акрамя таго, сумесна з Дзіцячым фондам ААН (ЮНІСЕФ) арганізавана работа па прававой асвеце непаўналетніх і аказанні ім кваліфікаванай юрыдычнай дапамогі.

Распрацоўваецца план сумесных мерапрыемстваў з арганізацыяй кансультавання непаўналетніх і іх бацькоў па пытаннях прымянення амністыі і іншых пытаннях крымінальнай і адміністрацыйнай адказнасці, грамадзянскага і сямейнага заканадаўства з выкарыстаннем міжнародных практык. У БРКА адзначылі, што некаторыя з падлеткаў ужо знаходзяцца пад наглядам інспекцый па справах непаўналетніх, і парушэнне імі заканадаўства можа прывесці да накіравання ў закрытыя вучэбна-выхаваўчыя ўстановы.

Напярэдадні Міжнароднага дня абароны дзяцей адвакаты заклікаюць ацаніць узровень абароны будучага пакалення краіны.

28 мая 2020, Мінск
БЕЛТА
 
Дата публикации:28.05.2020
Тематика:Культура, Беларусь
Просмотров:156
 
Ключевые слова:
День защиты детей Адвокат Права человека
 
 


Комментарии



 



Другие новости по этой теме