Тэатр з Беларусі прэтэндуе на прэмію як "Лепшы рускі тэатр за мяжой". Усяго за пальму першынства спаборнічаюць 10 калектываў з Беларусі, Казахстана, Малдовы, Літвы, Польшчы, Германіі, Фінляндыі, Швейцарыі, Вялікабрытаніі, Ізраіля. Лонг-ліст па 15 намінацыях сфарміраваны па прапановах гледачоў.

На працягу лета праводзіцца галасаванне на сайце прэміі, па выніках якога будзе складзены шорт-ліст. У верасні стануць вядомы лідары глядацкага галасавання гледачоў, у кожнай намінацыі застанецца па тры прэтэндэнты на ўзнагароду.

Вынікі будуць аб`яўлены ў першы панядзелак снежня.

На сайце прэміі паведамляецца, што пры фарміраванні лонг-ліста спецыяльная камп`ютарная праграма зачышчае заяўкі ад "накрутак", у тым ліку зробленых з прымяненнем інтэрнэт-ботаў. Такім чынам, намініраваць сваіх кандыдатаў можна толькі адзін раз і з аднаго IP-адраса.

"Зорка Тэатрала" - адзіная расійская ўзнагарода ў сферы тэатральнага мастацтва, якая мае статус незалежнай прэміі глядацкіх сімпатый. За гады існавання яна стала сімвалам непрадузятай ацэнкі і міжнароднага грамадскага прызнання, таму што яе лаўрэатаў вызначае самае масавае журы - шматтысячная аўдыторыя гледачоў.

На працягу тэатральнага сезона публіка намініруе і адбірае ў рэжыме online на інтэрнэт-партале прэміі прэм`ерныя работы, якія спадабаліся. А ў канцы года па выніках галасавання на ўрачыстай цырымоніі ўзнагароджання абвяшчаюцца пераможцы.

Галоўны прыз "Зоркі Тэатрала" - фарфоравая статуэтка ручной работы ад старэйшай чэшскай мануфактуры Rudolf Kampf, выкананая вядомым дызайнерам Фабрыцыа Сманія - мім у чорным касцюме, што трымае ў руках залатую зорку ў 24 караты. Гэта эксклюзіўная работа была ўпершыню выканана спецыяльна для прэміі ў 2008 годзе.

Пры дастатковых фінансавых магчымасцях аргкамітэт прэміі можа ўручаць залаты значок лаўрэата, грашовыя або іншыя каштоўныя прызы.

Штогадовая прэмія "Зорка Тэатрала" заснавана ў 2008 годзе часопісам "Театрал".

27 ліпеня 2018, Мінск
БЕЛТА