Курс валютпокупкапродажа
USD363365.41
EUR409.87412.87
RUR5.45.48
www.kurs.kz
 


 



Найти
 
 


19-гадовая мінчанка памерла ў сваёй кватэры ад перадазіроўкі наркотыкаў


Маладая мінчанка памерла ва ўласнай кватэры ад перадазіроўкі наркотыкаў.
Як паведамілі ў ГУУС Мінгарвыканкама, 5 жніўня ў 1 гадзіну 30 хвілін у аператыўна-дзяжурную службу Першамайскага РУУС Мінска паступіла паведамленне пра смерць 19-гадовай студэнткі адной са сталічных ВНУ. Першамайскім раённым аддзелам Следчага камітэта ўстанаўліваюцца ўсе абставіны.

Паводле дадзеных следства, неўстаноўленая асоба 3 жніўня прадала маладым людзям асабліва небяспечнае псіхатропнае рэчыва з выкарыстаннем закладкі. Увечары 4 жніўня кампанія з васьмі чалавек, чацвёра з якіх — непаўналетнія, сабралася ў кватэры, дзе жыла загінулая дзяўчына. Бацькі дзяўчыны пры гэтым дома адсутнічалі.

Паводле аператыўных дадзеных супрацоўнікаў наркакантролю Першамайскага РУУС Мінска, набытая загадзя рэчыва было расфасавана з дапамогай электронных вагаў у пустыя капсулы ад медыцынскіх прэпаратаў. Кожнаму прызначалася па 2 капсулы з наркотыкам ўнутры. Па адной капсуле прысутныя ўжылі адразу, а астатнія капсулы заставаліся для наступнага ўжывання.

Праз некаторы час гаспадыні кватэры стала дрэнна, яе госці выклікалі хуткую медыцынскую дапамогу. Нягледзячы на праведзеныя медыцынскімі работнікамі рэанімацыйныя мерапрыемствы, дзяўчына памерла.

Па гэтым факце распачатая крымінальная справа па ч. 5 арт. 328 (незаконны абарот псіхатропных рэчываў, які пацягнуў па неасцярожнасці смерць чалавека) Крымінальнага кодэкса Рэспублікі Беларусь. Цяпер следчымі сумесна з аператыўнымі супрацоўнікамі ўнутраных спраў праводзіцца работа па ўстанаўленні асоб, якія мелі дачыненне да супрацьпраўных дзеянняў. Прызначанае правядзенне шэрагу экспертных даследаванняў. Расследаванне крымінальнай справы працягваецца.

Марына Носава, БелаПАН
Мінск, 6 жніўня 2018
 
Дата публикации:06.08.2018
Тематика:Новости, Беларусь
Просмотров:23
 
Ключевые слова:
Психотропы Криминал Наркотики Мінск
 
 


Комментарии



 



Другие новости по этой теме