https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


У Беларусі прапрацоўваюцца новыя меры па будаўніцтве жылля для мінчан у гарадах-спадарожніках


Аб гэтым паведаміў начальнік упраўлення жыллёвай палітыкі Міністэрства архітэктуры і будаўніцтва Аляксандр Аўраменка.
"Новы дакумент будзе накіраваны на тое, каб больш паспяхова развіваць будаўніцтва ў гарадах-спадарожніках", - адзначыў Аляксандр Аўраменка.

У прыватнасці, можа быць пашыраны эксперымент з будаўніцтвам дома для мінскіх чаргавікоў у Смалявічах, які замацаваны ўказам нумар 103. Цяпер вырашаецца, на якія гарады будуць распаўсюджвацца новыя правілы - на некаторыя або на ўсе гарады - спадарожнікі Мінскай вобласці.

Прадстаўнік Мінбудархітэктуры звярнуў увагу, што для развіцця гарадоў-спадарожнікаў важна не толькі будаўніцтва жылля і інжынерных камунікацый, але і забеспячэнне рабочымі месцамі, наяўнасць школ і дзіцячых садоў, паліклінік.

Паводле папярэдняй інфармацыі, на 192 кватэры ў эксперыментальным доме ў Смалявічах напісалі заявы 1,5 тыс. мінскіх чаргавікоў, расказаў старшыня Камітэта архітэктуры і будаўніцтва Мінаблвыканкама Аляксандр Кручанаў.

Для жадаючых там пабудавацца прымяняюцца нормы ўказа нумар 240, што датычыцца выдзялення адрасных субсідый на жыллё незалежна ад даты пастаноўкі на ўлік. У I паўгоддзі ў гарадах-спадарожніках у Мінскай вобласці (Дзяржынск, Фаніпаль, Лагойск, Заслаўе, Рудзенск, Смалявічы) увялі ў строй 203 кватэры, у тым ліку для маючых патрэбу ў паляпшэнні жыллёвых умоў - 124 кватэры. Больш за ўсё жылля будуецца ў Лагойску і Смалявічах.

1 жніўня 2019, Мінск
БЕЛТА
 
Дата публикации:01.08.2019
Тематика:Новости, Беларусь
Просмотров:128
 
Ключевые слова:
Строительство Город-спутник Инфраструктура Соцзащита
 
 


Комментарии



 



Другие новости по этой теме