https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Комплексная праверка баявой гатоўнасці Узброеных Сіл пачалася ў Беларусі


Ва Узброеных Сілах Рэспублікі Беларусь пачалася раптоўная праверка баявой гатоўнасці, паведамілі ў Міністэрстве абароны Беларусі.
"30 студзеня па распараджэнні міністра абароны пад кіраўніцтвам начальніка Генеральнага штаба - першага намесніка міністра абароны пачалася комплексная праверка баявой гатоўнасці Узброеных Сіл, - праінфармавалі ў ведамстве. - Галоўнай мэтай праверкі з`яўляецца вызначэнне здольнасці органаў ваеннага кіравання, камандзіраў кіраваць падначаленымі воінскімі часцямі і падраздзяленнямі, а для воінскіх часцей і падраздзяленняў Узброеных Сіл - гатоўнасць выконваць задачы па прызначэнні ва ўмовах хутказменлівай абстаноўкі".

Дзеянні войскаў пройдуць на палігонах і асобных участках мясцовасці. Улічваючы спецыфіку выконваемых задач, войскам давядзецца дзейнічаць у розных умовах - пераадольваць водныя перашкоды, адпрацоўваць вучэбна-баявыя задачы днём і ноччу як у лясных масівах, так і ў населеных пунктах.

Пільная ўвага будзе ўдзелена стану тэхнікі і ўзбраення, а таксама рабоце забяспечвальных сістэм.

Вынікі праверкі будуць прааналізаваны і выкарыстаны ў далейшай падрыхтоўцы Узброеных Сіл.

30 студзеня 2020, Мінск
БЕЛТА
 
Дата публикации:30.01.2020
Тематика:Новости, Беларусь
Просмотров:175
 
Ключевые слова:
Военные учения Национальная безопасность
 
 


Комментарии



 



Другие новости по этой теме