Пра здарэнне, якое адбылося на днях, паведамілі ў аддзяленні інфармацыі і грамадскіх сувязяў УУС Гродзенскага аблвыканкама.
У Гродне трэцякласнік знайшоў у двары і прынёс дадому металічны прадмет, які яго зацікавіў. Гэты прадмет аказаўся нямецкай гранатай часоў Першай сусветнай вайны.
Міліцыю выклікала маці школьніка, якая ўбачыла небяспечную знаходку. Гранату ізалявала, а затым абясшкодзіла на палігоне сапёрна-піратэхнічная група вайсковай часці 5522 унутраных войскаў МУС, якая прыбыла на месца надзвычайнага здарэння. Высветлілася, што граната, якая праляжала ў зямлі каля ста гадоў, не страціла сваіх баявых паражальных уласцівасцяў.
Вячаслаў Будкевіч,
БелаПАНМінск, 19 лютага 2014
