https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Прах Магдалены Радзівіл пахаваны ў Мінску: здейснілася яе апошняя воля


Праз паўстагоддзя пасля скону прах Магдалены Радзівіл размясцілі ў касцёле Святога Роха.
Урну з прахам мецэнаткі беларускага адраджэння пачатку XX стагоддзя княгіні Магдалены Радзівіл 17-га лютага перапахавалі ў найстарэйшым мінскім каталіцкім храме - у касцёле Святога Роха.

У Мінск з нагоды гэтага мерапрыемства прыбылі нашчадкі мецэнаткі — Мацей і Міхаіл Радзівілы, яе праўнукі Марылена і Адам Замойскія. У касцёл, дзе прайшла імша і цырымонія перапахавання, таксама прыйшлі шматлікія вернікі, прадстаўнікі польскай амбасады.

Узначаліў імшу біскуп Мінска-Магілёўскай архідыяцэзіі Юрый Касабуцкі.

Пра тое, што сваякі мецэнаткі хочуць перанесці яе прах у Мінск, як і адпісвала Магдалена Радзівіл, больш за год таму заявіў Мацей Радзівіл.

Улетку 2017 года ўрну з прахам даставілі з Швейцарыі ў беларускую сталіцу. Магдалена Радзівіл памерла больш за 70 гадоў таму, увесь гэты час яе прах знаходзіўся ў Швейцарыі.

У 1918 годзе Магдалена Радзівіл эмігравала з Беларусі, жыла ў Польшчы, Літве, Германіі.

Дзякуючы ахвяраванням княгіні Магдалены былі адкрытыя беларускія школы ў шэрагу краін Еўропы. Яна плаціла стыпендыю беларускім студэнтам у Санкт-Пецярбургу, шчодра ахвяравала на беларускія школы, фінансавала выданне кніг Максіма Багдановіча, Якуба Коласа, дапамагала гуртку "Загляне сонца і ў наша ваконца", давала грошы на выданне "Нашай Нiвы". У 1917 годзе яна ахвяравала брыльянтавае калье на заснаванне беларускай грэка-каталіцкай калегіі ў Рыме.

Памерла беларуская меценатку ў 1945 годзе ва ўзросце 83 гадоў.

Sputnik, 17 лютага 2018
 
Дата публикации:17.02.2018
Тематика:Культура, Беларусь
Просмотров:742
 
Ключевые слова:
Магдалена Радзівіл Мінск
 
 


Комментарии



 



Другие новости по этой теме