А вы ведалі, што ў гэты дзень у 1911 годзе з Луўру выкралі партрэт Моны Лізы? Якія яшчэ падзеі адбыліся 21 жніўня і чым азнаменаваны гэты дзень у народным календары, чытайце далей:

У 1781 годзе горад Дрыса (Верхнядзвінск) набыў  герб.

У 1986 годзе СССР афіцыйна абвясціў аб тым, што катастрофа на Чарнобыльскай АЭС была выкліканая халатнасцю пэрсаналу.

1906 год: Макар Паслядовіч, беларускі пісьменнік.

1908 год: Міхаіл Ельяшэвіч, фізік, акадэмік НАН Беларусі, заслужаны дзеяч навукі Беларусі.

1931 год: Юлія Канэ, беларуская літаратуразнаўца.

1961 год: Вітаўт Чаропка, беларускі пісьменьнік, гісторык.

Таксама ў гэты дзень нарадзіліся амэрыканскі мільярдэр, прадпрыемца і сузаснавальнік Google Сяргей Брын, а таксама спрынтэр, трохразовы алімпійскі чэмпіён Усэйн Болт.

У гэты дзень вернікі шануюць памяць свяціцеля Мірона Крытскага. Ён быў вельмі добрым і нікому не адмаўляў у дапамозе.

Расказваюць, што аднойчы ён застаў у сваім гумне злодзеяў і сам дапамог ім узваліць на плечы цяжкія мяшкі са збожжам. Гэта так тых пасаромела, што з таго моманту яны зараблялі на жыццё толькі сумленнай працай.

Таксама існуе паданне, што Мірон быў цудатворцам: калі ў яго горадзе аднойчы здарылася паводка, ён спыніў ваду ў рацэ і перайшоў па ёй, як па сушы а затым зноў дазволіў вадзе бегчы. Свяціцель Мірон пражыў 100 гадоў і мірна спачыў.

У народзе 21 жніўня называюць Ветрагоны, бо звычайна дзмуць моцныя, ужо амаль восеньскія вятры. Лічылася, што прырода сумуе па адыходзячаму лету: "Вятры-ветрагоны пыл пагналі па белу свету, заплакалі па красну лету".

Калі 21 жніўня раніцай былі туманы, гэта прадказвала добры ўраджай у будучым годзе.

Sputnik, 21 жніўня 2019