https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


Тыдзень роднай прыроды стартуе ў НАН Беларусі


Арганізацыі аддзялення біялагічных навук НАН Беларусі 22-29 мая праводзяць Тыдзень роднай прыроды, прымеркаваны да святкавання Міжнароднага дня біялагічнай разнастайнасці, паведамілі ў прэс-службе НАН.
НПЦ па біярэсурсах, Інстытут эксперыментальнай батанікі імя В.Ф.Купрэвіча, Цэнтральны батанічны сад і Інстытут лесу падрыхтавалі мерапрыемствы, большасць з якіх пройдзе анлайн. У такім рэжыме Батанічны сад правядзе кансультацыі з навуковымі супрацоўнікамі і спецыялістамі - куратарамі калекцый бэзу і рададэндранаў. Да канца Тыдня роднай прыроды на сайце ўстановы будуць размешчаны відэаматэрыялы, у якіх спецыялісты адкажуць на самыя папулярныя і надзённыя пытанні наконт агратэхнікі вырошчвання і доглядзе гэтых раслін.

У Інстытуце эксперыментальнай батанікі імя В.Ф.Купрэвіча НАН анлайн адбудзецца VI Міжнародны навукова-практычны і навучальны семінар "Сучасныя тэхналогіі ў дзейнасці асабліва ахоўных прыродных тэрыторый: геаінфармацыйныя сістэмы, дыстанцыйнае зандзіраванне Зямлі". Удзельнікамі мерапрыемства стануць навуковыя ўстановы, запаведнікі і нацыянальныя паркі Беларусі, Расіі і Украіны. Навукощцы Інстытута анлайн прачытаюць лекцыю для школьнікаў "Небяспечныя расліны Беларусі".

НПЦ па біярэсурсах правядзе першы анлайн-семінар для экспертаў і бенефіцыяраў праекта "Інтэграванае кіраванне і сістэма мер па зніжэнні негатыўнага ўздзеяння інвазіўных чужародных відаў у ахоўных раёнах трансгранічнага рэгіёна / Кіраванне IAS". Мэта гэтага праекта - умацаваць супрацоўніцтва паміж Латвіяй, Літвой і Беларуссю для вырашэння агульнай праблемы - трансгранічнага распаўсюджвання інвазіўных чужародных відаў і прадухілення іх негатыўнага ўздзеяння на здароўе насельніцтва і каштоўныя прыродныя месцы пражывання.

Савет маладых навукоўцаў Інстытута лесу НАН арганізуе вучнёўскую навуковую канферэнцыю і абласны этап юніёрскага конкурсу "Квітней, мой лес" у анлайн-фармаце. Усяго да ўдзелу прынята 55 навукова-даследчых работ, падрыхтаваных школьнікамі Гомеля і Гомельскай вобласці. Супрацоўнікі інстытута выступяць у якасці членаў журы і будуць ацэньваць работы ў трох секцыях: экалогія лясных жывёл, экалогія лясных раслін, устойлівае лесакіраванне. Пераможцы будуць узнагароджаны дыпломамі і ў далейшым прадставяць свае навукова-даследчыя работы на падагульняючым рэспубліканскім этапе конкурсу.

Міжнародны дзень біялагічнай разнастайнасці (22 мая) быў аб`яўлены Генеральнай асамблеяй ААН у 1995 годзе. Мэта свята - павысіць дасведчанасць соцыума ў пытаннях захавання экалагічнай сістэмы, звярнуць увагу на праблему беззваротнага знікнення на Зямлі многіх прадстаўнікоў флоры і фаўны.

22 мая 2020, Мінск
БЕЛТА
 
Дата публикации:22.05.2020
Тематика:Культура, Беларусь
Просмотров:26
 
Ключевые слова:
Неделя родной природы Экология Биологическое разнообразие Конкурс
 
 


Комментарии



 



Другие новости по этой теме