Курс валютпокупкапродажа
USD379.68381.37
EUR428.36430.96
RUR5.976.03
www.kurs.kz
 


 


Найти
 
 


«Беларуськалій» пачынае будаўніцтва Дарасінскага рудніка


Адкрытае акцыянернае таварыства «Беларуськалій» пачынае будаўніцтва Дарасінскага рудніка. Яго праектная магутнасць па здабычы калійнай руды складзе каля васьмі мільёнаў тон штогод з наступным павелічэннем да дзевяці мільёнаў тон.
Згодна з праектам на прамысловай пляцоўцы плануецца ўзвесці адміністрацыйна-бытавы комплекс, цэх драблення, склад руды ёмістасцю да 50 тысяч тон і іншыя вытворчыя памяшканні. Здабытая руда будзе перапрацоўвацца на сільвінітавай абагачальнай фабрыцы трэцяга рудаўпраўлення. Для яе пастаўкі пабудуюць наземную канвеерную галерэю працягласцю каля 7,2 кіламетра.

З улікам геалагічнай пабудовы гэтага ўчастка Старобінскага радовішча калійных солей на рудніку плануецца адпрацоўваць запасы солей на двух гарызонтах — трэцім і чацвёртым. Глыбіня распрацоўкі трэцяга калійнага гарызонту ад 499 да 1000 метраў, чацвёртага — ад 560 да 1000 метраў. Разліковы тэрмін службы рудніка з улікам разведаных запасаў складае не менш за 40—50 гадоў. Увод у дзеянне новай вытворчасці дазволіць стварыць дадатковыя рабочыя месцы і забяспечыць працоўную занятасць насельніцтва прамысловага рэгіёна Міншчыны.

Папаўненне руднай базы — самая важная задача цяперашняга асваення Старобінскага радовішча. З гэтай мэтай «Беларуськалій» рэалізуе маштабную інвестыцыйную праграму — будаўніцтва новых вытворчасцяў. Так, у 2009 годзе ўведзены ў эксплуатацыю Чырвонаслабадскі руднік, у 2012-м — Бярозаўскі.

На завяршальным этапе рэалізацыя буйнейшага інвестпраекта — будаўніцтва Петрыкаўскага горна-абагачальнага комплексу ў Гомельскай вобласці, які на сённяшні дзень самы перспектыўны.

Яго база дазваляе істотна павялічыць вытворчыя магутнасці «Беларуськалія», выпускаць новыя віды высакаякаснай прадукцыі і паспяхова канкурыраваць на сусветным калійным рынку.

На Петрыкаўскім ГАКу будуць выкарыстоўвацца самыя сучасныя тэхналогіі горназдабываючай прамысловасці, якія забяспечаць эфектыўнае выманне руды з нетраў і перадавыя спосабы яе абагачэння, як замежныя, так і беларускія. У снежні 2019 года плануецца атрымаць першыя тоны канцэнтрату. Праектная магутнасць камбіната не менш чым 1,5 мільёна тон хларыду калію ў год.

Аўтар: Таццяна Лазоўская
Звязда, 24 траўня 2019
 
Дата публикации:24.05.2019
Тематика:Бизнес, Беларусь
Просмотров:41
 
Ключевые слова:
Петриковский ГОК Беларуськалий Гомельшчына
 
 


Комментарии



 



Другие новости по этой теме