https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Беларуская чыгунка назначыла дадатковы поезд Віцебск-Масква-Віцебск на час «Славянскага базару»


Аб гэтым паведамляе прэс-цэнтр БЧ.
Беларуская чыгунка на час правядзення XXXI Міжнароднага фестывалю мастацтваў «Славянскі базар у Віцебску» назначыла поезд міжнародных ліній нумар 239/240 Віцебск — Масква — Віцебск.

Поезд будзе адпраўляцца з 12 па 16 ліпеня з Віцебска, а з 13 па 17 ліпеня — з Масквы. З Беларускага вакзала ў Маскве поезд адправіцца ў 23.41 і прыбудзе ў Віцебск раніцай наступнага дня ў 8.36. У зваротным напрамку поезд будзе адпраўляцца з Віцебска ў 20:26 з прыбыццём у Маскву ў 5:49. Продаж праязных дакументаў ужо адкрыты. Пасажырам даступны месцы ў плацкартных вагонах, а таксама ў купэ і СВ.

Раней БЧ назначыла для жыхароў беларускай сталіцы дадатковы поезд па маршруце Мінск — Віцебск на час правядзення фестывалю «Славянскі базар у Віцебску» ў 2022 годзе. Ён будзе курсіраваць штодзень з Мінска з 13 па 18 ліпеня, з Віцебска — з 14 па 19 ліпеня.

Расклад руху складзены з улікам праграмы фестывалю, каб мінчане маглі прыехаць у Віцебск непасрэдна да вячэрняй канцэртнай праграмы, а пасля яе заканчэння адправіцца назад дадому прамым начным поездам.

Музычны форум пройдзе з 13 да 18 ліпеня. Урачыстае адкрыццё фестывалю адбудзецца 14 ліпеня, закрыццё — 17 ліпеня.

Звязда, 4 ліпеня 2022
 
Дата публикации:04.07.2022
Тематика:Транспорт, Беларусь
Просмотров:739
 
Ключевые слова:
Москва Віцебск Славянский базар Беларуская чыгунка
 
 


Комментарии



 



Другие новости по этой теме