https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


7 кастрычніка ва ўсіх рэгіёнах Беларусі праходзіць добраахвотная акцыя па ачыстцы ляснога фонду ад смецця і захламленасці


Мерапрыемства адбываецца па ініцыятыве Міністэрства лясной гаспадаркі, паведаміла прэс-служба ведамства.
Паводле ацэнак Мінлясгаса, у акцыі бяруць удзел больш як 30 тыс. чалавек. Гэта працоўныя калектывы арганізацый і прадпрыемстваў, індывідуальныя прадпрымальнікі, ветэранскія і грамадскія арганізацыі, школьнікі і студэнты. Удзельнічаюць у навядзенні парадку і прадстаўнікі розных міністэрстваў і ведамстваў краіны.

На працягу дня добраахвотнікі дапамагаюць прыбіраць на тэрыторыі ляснога фонду бытавое смецце, добраўпарадкоўваць месцы адпачынку. Асаблівая ўвага нададзена ачыстцы лесу паблізу населеных пунктаў. Акрамя таго, у асобных рэгіёнах краіны 7 кастрычніка займаюцца таксама пасадкай і папаўненнем лясных культур, падрыхтоўкай дэндрапаркаў да зімоўкі.

Адным з цэнтральных аб`ектаў акцыі стаў лясны фонд, размешчаны ўздоўж другой МКАД. Менавіта там на працягу дня працуе цэнтральны апарат Мінлясгаса, падведамасныя арганізацыі.

Упершыню Акцыя "Чысты лес" была праведзена ў Беларусі ў 2010 годзе. За гэты час яе ўдзельнікамі сталі дзясяткі тысяч добраахвотнікаў. Мерапрыемства актыўна падтрымліваецца мясцовымі выканаўчымі органамі ўлады, дзяржаўнымі, грамадскімі і камерцыйнымі арганізацыямі, школамі, вышэйшымі навучальнымі ўстановы i iншымі арганізацыямі краіны.

Марына Носава, БелаПАН
Мінск, 7 кастрычніка 2017
 
Дата публикации:07.10.2017
Тематика:Культура, Беларусь
Просмотров:773
 
Ключевые слова:
Лесное хозяйство Акция "Чысты лес" Экология
 
 


Комментарии



 



Другие новости по этой теме