Курс валютпокупкапродажа
USD346.61347.66
EUR403.66406.48
RUR5.445.51
www.kurs.kz
 


 



Найти
 
 


Вандроўку ў мінулае арганізуе падчас бібліяночы Акадэмія навук


20 красавіка з 19.00 да 23.00 Цэнтральная навуковая бібліятэка НАН Беларусі (Мінск, вул.Сурганава, 15 ) запрашае акунуцца ў “Гісторыю на сон будучы”, якая адбудзецца ў рамках “Мінскай бібліяночы-2018".
У гэты дзіўны вечар навукоўцы НАН Беларусі і Белдзяржуніверсітэта раскажуць, як выглядаў сапраўдны беларус у глыбокай старажытнасці, пакажуць цікавыя знаходкі, атрыманыя ў выніку археалагічных раскопак, пазнаёмяць з пасланнямі з далёкага мінулага - своеасаблівымі старажытнымі графіці. У гасцей будзе магчымасць віртуальнага шпацыру па Мінску векавой даўнасці, яны змогуць даведацца аб старадаўніх замках і крэпасцях на тэрыторі Беларусі, а таксама ўбачыць экспанаты Музея старажытнабеларускай культуры Цэнтра даследаванняў беларускай культуры, мовы і літаратуры НАН.

Праграма ўключае навукова-папулярныя лекцыі, воркшопы, захапляльны кулінарны батл, гістарычнае падарожжа для дзяцей “Наперад, у мінулае: у пошуках нязведанага”,  сапраўдны шляхетны баль ад творчага калектыву “Майстэрня ўражанняў” і фальклорнага ансамбля "Тутэйшая шляхта”, яркае выступленне вулічнага тэатра “VIR”. А “Студыя залатога рэжысёра” прадставіць “жывыя скульптуры”.

Мерапрыемства пройдзе ў асяроддзі кніг і інтэрактыўных кніжных выставак.

Партнёрамі бібіліяночы выступаюць Інстытут гісторыі НАН Беларусі, Цэнтр даследаванняў беларускай культуры, мовы і літаратуры НАН Беларусі і гістарычны факультэт БДУ.

Надзея Нікалаева
Звязда, 14 красавіка 2018
 
Дата публикации:14.04.2018
Тематика:Культура, Беларусь
Просмотров:127
 
Ключевые слова:
Акция "Мінская бібліяноч-2018"
 
 


Комментарии



 



Другие новости по этой теме