https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Ніна Сінякова з Беларусі перамагла ў конкурсе кампазітараў імя Андрэя Пятрова ў Санкт - Пецярбургу


Ніна Сінякова з Беларусі стала пераможцай Усерасійскага адкрытага конкурсу кампазітараў імя Андрэя Пятрова ў намінацыі "Сімфанічная музыка", які завяршыўся 15 кастрычніка ў Санкт-Пецярбургу, паведамілі ў аргкамітэце творчага спаборніцтва.
Пераможца атрымала найвышэйшую ацэнку журы за Канцэрт для дзвюх скрыпак з сімфанічным аркестрам. Яна заваявала і прыз глядацкіх сімпатый. Ніна Сінякова скончыла Мінскае музычнае вучылішча. Потым яна вучылася ў Санкт-Пецярбургскай кансерваторыі і Вышэйшай школе музыкі Кёльна (Германія).

Усерасійскі адкрыты конкурс кампазітараў мае імя народнага артыста СССР Андрэя Пятрова. Ён па чарзе праводзіцца ў адной з дзвюх намінацый: "Сімфанічная музыка" і "Эстрадная песня і эстрадны раманс".

Пераможца ўзнагароджваецца грашовай прэміяй у памеры 250 тыс. расійскіх рублёў.

Журы конкурсу ў бягучым годзе ўзначаліла народная артыстка Азербайджана Франгіз Алдызадэ. У яго склад увайшлі таксама кампазітары Леанід Дзясятнікаў, Павел Карманаў, Аляксандр Кнайфель, Аляксандр Радвіловіч, Настасся Хрушчова, Дзмітрый Янаў-Яноўскі і дырыжор Фёдар Ляднёў.

16 кастрычніка 2018, Масква
Эдуард Півавар - БЕЛТА
 
Дата публикации:16.10.2018
Тематика:Культура, В мире
Просмотров:310
 
Ключевые слова:
Конкурс Классическая музыка Беларусы ў свеце
 
 


Комментарии



 



Другие новости по этой теме