https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Памерла оперная спявачка Мансерат Кабалье


Дакладная прычына смерці 85-гадовай опернай зоркі пакуль не паведамляецца, пахаванне пройдзе ў панядзелак.
Вядомая оперная спявачка Мансерат Кабалье памерла ў Барселоне ва ўзросце 85 гадоў, паведаміла агенцтва Франс Прэс са спасылкай на бальніцу.

У верасні іспанскія СМІ паведамлялі, што Кабалье праходзіць лячэнне ў адной з клінік Барселоны. Паводле інфармацыі крыніц, спявачка была шпіталізаваная з-за праблем з мачавым пузыром. Газета Vanguardia паведамляла, што Кабалье можа быць выпісаная пасля свята Ла-Мерсе, якое адзначаецца 24 верасня. Пазней удакладнялася, што самаадчуванне артысткі палепшылася.

Мансерат Кабалье — сусветна вядомая спявачка, якая валодае тэхнікай віртуозных спеваў бельканта. Яна выконвала ролі ў класічных італьянскіх операх Расіні, Беліні і Даніцэці.

Міжнародная вядомасць прыйшла да Кабалье ў 1965 годзе: яна замяніла амерыканскую оперную зорку Мэрылін Хорн у партыі Лукрэцыі Борджа ў аднайменнай оперы Гаэтана Даніцэці.

Нягледзячы на ўзрост і перанесены мікраінсульт, а таксама траўму калена, у апошнія гады Мансерат Кабалье выступіла ў некалькіх тэатрах па ўсім свеце.

Выканаўца таксама ўдзельнічала ў запісе альбома з салістам гурта Queen Фрэдзі Мэрк`юры. Разам яны запісалі гімн летняй Алімпіяды ў Барселоне 1992 года, які прагучаў са сцэны ўжо пасля сыходу з жыцця Фрэдзі Мэрк`юры.

Паводле папярэдняй інфармацыі, пахаванне спявачкі адбудзецца ў панядзелак.

Мінск, 6 кастрычніка 2018
Sputnik
 
Дата публикации:06.10.2018
Тематика:Культура, В мире
Просмотров:366
 
Ключевые слова:
Некролог Монсеррат Кабалье Опера Искусство
 
 


Комментарии



 



Другие новости по этой теме