https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


У Парыжы адкрыецца выстава пра двухтысячагадовую гісторыю хрысціян Усходу


З 26 верасня да 14 кастрычніка ў Інстытуце Арабскага Свету ў Парыжы будзе экспанавацца выстава «Хрысціяне Усходу — дзве тысячы гадоў гісторыі».
Мэта экспазіцыі — расказаць пра тысячагадовую прысутнасць хрысціян на Блізкім Усходзе і іх унёсак на працягу стагоддзяў у культурнае, палітычнае і інтэлектуальнае жыццё арабскага свету.

У экспазіцыі, арганізаванай у супрацоўніцтве з французскай асацыяцыяй L’Œuvre d’Orient («Справа Усходу»), якая займаецца дапамогай хрысціянам на Блізкім Усходзе, будуць выстаўлены карты, скульптуры, дакументы, абразы, фатаграфіі і ўнікальныя шэдэўры. Некаторыя з экспанатаў у Еўропе будуць выстаўляцца ўпершыню. Сярод іх — Евангелле Рабулы (дэкараваны золатам і срэбрам сірыйскі манускрыпт VI ст.), фрэскі са старадаўняга хрысціянскага храма ў антычным горадзе Дура-Еўрапас (існаваў прыкладна з 300 года да н. э. да 256 года), што на ўсходзе сучаснай Сірыі на мяжы з Іракам.

Асаблівая роля хрысціян у жыцці рэгіёна заўважная ў кантэксце розных гістарычных эпох: прыняцце хрысціянства ў Рымскай імперыі як дзяржаўнай рэлігіі, асноўныя ўсяленскія саборы, мусульманскія заваяванні, развіццё каталіцкіх і пратэстанцкіх місій, унёсак хрысціян у Арабскае Адраджэнне, змены ХХ і ХХІ стагоддзяў.

Асаблівая ўвага звернута на «жывучасць» актуальных хрысціянскіх супольнасцяў у арабскім свеце, выжыванне якіх пад пагрозаю з прычыны пашырэння ісламскага фундаменталізму. Выстава таксама паказвае вялікую разнастайнасць хрысціянства ў яго копцкім, грэчаскім, асірыйска-халдэйскім, сірыйскім, армянскім, мараніцкім, лацінскім і пратэстанцкім выражэннях.

Арганізатары адзначаюць, што мэта выставы заключаецца ў тым, каб паказаць багацце хрысціянскіх культур рэгіёна, што гісторыя хрысціян складаецца не толькі з трагедый і пераследаў, але ведае таксама перыяды росквіту, што актуальныя небяспекі, якія пагражаюць прысутнасці хрысціян, суправаджаюцца надзеяй.

Catholic.by, 30 жніўня 2017
 
Дата публикации:30.08.2017
Тематика:Культура, В мире
Просмотров:849
 
Ключевые слова:
Париж Франция Христианство Восток Религия Выставка
 
 


Комментарии



 



Другие новости по этой теме