https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Супрацьэмігранцкія партыі набіраюць сілу па ўсёй Еўропе


Аўстрыйская ультраправая Партыя свабоды здабыла больш за чвэрць галасоў на выбарах у Вене ў нядзелю. Гэта сталася яшчэ адной прыкметай таго, што партыі, якія выступаюць супраць імігрантаў, набіраюць вагу па ўсёй Еўропе.
Партыя свабоды, якая здабыла міжнародную вядомасць у 1990-х пад кіраўніцтвам свайго тагачаснага лідара Ёрга Хайдэра, сёлета ў Вене заваявала 27,1% галасоў — у параўнанні з 14,8% у 2005. Гэта паставіла яе на другое месца пасля сацыял-дэмакратаў, якія набралі 44,2% у параўнанні з 49,1%.

Выбары адзначылі сейсмічны зрух у палітычным ландшафце альпійскай краіны. На працягу дзесяцігоддзяў, Вена, сталіца Аўстрыі і яе найбуйнейшы горад, стала асацыявалася з назвай Das Rote Wien, або «Чырвоная Вена» — намёк на моцны ўплыў сацыял-дэмакратаў у горадзе. Нядзельныя выбары сталі найгоршым вынікам для сацыял-дэмакратаў з 1996 года.

Ва ўсёй Еўропе радыкальныя партыі на апошніх выбарах дабіліся значных поспехаў — ад Нідэрландаў да Нарвегіі і Швецыі. Іх выступы супраць іншаземцаў рэзануюць з эканамічнай нестабільнасцю і асцярогамі, што мусульмане і іншыя меншасці спрычыняцца да росту злачыннасці, тэрарызму і эрозіі нацыянальнай ідэнтычнасці.

11 кастрычнiка 2010
Наша Ніва паводле online.wsj.com
 
Дата публикации:12.10.2010
Тематика:Культура, В мире
Просмотров:3627
 
Ключевые слова:
Иммиграция Эминрация Гастарбайтеры
 
 


Комментарии



 



Другие новости по этой теме