https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Прэм`ера "Пінскай шляхты" ў пастаноўцы М.Пінігіна адбудзецца на сцэне варшаўскага тэатра


Прэм`ера "Пінскай шляхты" Дуніна-Марцінкевіча ў пастаноўцы беларускага рэжысёра Мікалая Пінігіна адбудзецца на сцэне варшаўскага тэатра "Рампа" 30 верасня. Аб гэтым карэспандэнту БЕЛТА паведаміла прэс-сакратар Міністэрства культуры Беларусі Святлана Шыцікава.
Спектакль у пастаноўцы Мікалая Пінігіна стане рэпертуарным, у ім будуць іграць польскія акцёры, а галоўную ролю выканае заслужаны артыст Беларусі Віктар Манаеў. Мастак-пастаноўшчык - Вольга Мацкевіч, кампазітар - Мікалай Зубрыч. Праект рэалізаваны пры падтрымцы міністэрстваў культуры Беларусі і Польшчы.

За некалькі дзён да прэм`еры Нацыянальны акадэмічны тэатр імя Янкі Купалы пакажа на сцэне тэатра "Рампа" свой варыянт спектакля "Пінская шляхта" - той, што ідзе на беларускай сцэне. У далейшым плануецца творчы абмен паміж Беларуссю і Польшчай: акцёры Купалаўскага тэатра будуць іграць у дэкарацыях тэатра "Рампа", а польскія акцёры - на сцэне і ў дэкарацыях Купалаўскага тэатра.

Як адзначыла Святлана Шыцікава, гэта ўжо не першы польска-беларускі тэатральны праект. Яркім прыкладам творчага супрацоўніцтва дзвюх краін можа служыць работа знакамітага польскага рэжысёра Кшыштафа Занусі з беларускімі акцёрамі, якія сыгралі ў міжнародным тэатральным праекце пад назвай "Дзева і Смерць" па п`есе Арыэля Дорфмана. Беларускія тэатралы мелі магчымасць атрымаць асалоду ад спектакля 21 верасня ў Нацыянальным акадэмічным драматычным тэатры імя М.Горкага.

Будуць развівацца беларуска-польскія адносіны і ў сферы кінамастацтва. Перспектывы такога супрацоўніцтва абмеркавалі нядаўна на сустрэчы міністр культуры Беларусі Павел Латушка і сусветна вядомы рэжысёр Кшыштаф Занусі.

23 верасня 2010 БЕЛТА
 
Дата публикации:24.09.2010
Тематика:Культура, В мире
Просмотров:5571
 
Ключевые слова:
Фэст культуры Дунин-Мартинкевич Пинская шляхта
 
 


Комментарии



 



Другие новости по этой теме