https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


«Беларускі шпіён» абвінавачвае СБУ у катаваньнях. Сьледзтва ягоныя факты не правярала


Пра гэта паведаміў беларускі дыплямат у Кіеве.
Беларускі грамадзянін, затрыманы ва Ўкраіне паводле падазрэньня ў шпіянажы, зьвяртаўся ў Службу бясьпекі Ўкраіны з заявай пра катаваньні і выкарыстаньне псыхатропаў падчас ягонага затрыманьня ў Чарнігаве. 

«Так, такая заява была. Ён пра гэта распавядаў і пры сустрэчах, і пісаў. Цытатаў з гэтай заявы я ня маю права прывесьці, бо ўкраінскі бок сказаў, што факты не пацьвярджае, нават не правяраючы іх. Таму ідзе дыпляматычная праца па гэтым пытаньні, і ідзе даўно. Але мне складана гэта камэнтаваць, таму што грамадзяніну нават не задалі ніводнага пытаньня па тых фактах, якія ён выклаў на 10 лістах пра тое, што зь ім рабілі», — паведаміў консул Амбасады Беларусі ва Ўкраіне Сяргей Бобаў.

Дыплямат таксама дадаў, што сустрэчы з затрыманым беларусам адбываюцца штомесяц.

«Мае быць і ў студзені. Яна адбудзецца адразу, як мы атрымаем дазвол. Пакуль ён не атрыманы, дату немагчыма назваць», — адзначыў ён.

Сяргей Бобаў разьлічвае, што суд над беларускім грамадзянінам будзе адкрытым для журналістаў.

У Службе бясьпекі Ўкраіны абвінавачаньні затрыманага беларуса ў прымяненьні катаваньняў і псыхатропаў не камэнтуюць, але папрасілі зьвярнуцца з афіцыйным запытам.

Расьсьледаваньне справы грамадзяніна Беларусі, затрыманага летась у чэрвені ў Чарнігаве паводле падазрэньня ў зборы сакрэтнай інфармацыі на карысьць Расеі, падоўжана да 20 студзеня, а яго знаходжаньне пад вартаю — да 18 студзеня. Пазьней у Службе бясьпекі Ўкраіны паведамілі, што сьледзтва «не сьцьвярджае шпіёнства з боку грамадзяніна Рэспублікі Беларусь на карысьць Расейскай Фэдэрацыі».

Беларусу пагражае пазбаўленьне волі на тэрмін ад дзесяці да пятнаццаці гадоў з канфіскацыяй або без канфіскацыі маёмасьці.

Украінскія экспэрты выказвалі меркаваньні, што справа затрыманага ў Беларусі ўкраінскага журналіста Паўла Шаройкі ёсьць адказам менавіта на затрыманьне беларускага грамадзяніна ў Чарнігаве.

Алена Літвінава
Радыё Свабода, 4 студзеня 2018
 
Дата публикации:04.01.2018
Тематика:Новости, В мире
Просмотров:521
 
Ключевые слова:
Дипломатия Спецслужбы Украина Чарнігаў
 
 


Комментарии



 



Другие новости по этой теме