Генеральны сакратар ААН Антоніу Гутэрыш заклікаў неадкладна вызваліць затрыманых у выніку ваеннага перавароту прэзідэнта і прэм’ер-міністра.

«Я глыбока занепакоены навінамі аб затрыманні грамадзянскіх лідараў малійскага транзіту ўлады, я заклікаю да спакою і іх неадкладнага вызвалення», — напісаў Гутэрыш.

Сітуацыя ў краіне абвастрылася пасля таго, як грамадзянскі пераходны ўрад абвясціў аб новым складзе кабінета міністраў краіны: у новым кабінеце ваенныя атрымалі толькі чатыры пасады, што выклікала ў іх незадаволенасць. Ваеннае кіраўніцтва Малі пакуль не пракаментавала сітуацыю.

18 жніўня 2020 года краіне таксама адбыўся ваенны пераварот, падчас якога ад улады адхілілі прэзідэнта Ібрагіма Бубакара. Тады мяцежнікі паабяцалі «ў належны час» правесці ў Малі выбары, аднак толькі ў красавіку пераходны ўрад вырашыў аб’явіць аб правядзенні прэзідэнцкіх і парламенцкіх выбараў у Малі.

Звязда, 25 траўня 2021