Курс валютпокупкапродажа
USD321.72323.11
EUR361.14364.43
RUR5.455.51
www.kurs.kz
 


 




Найти
 
 


Чалавек, які напаў на патруль у парыскім аэрапорце, быў радыкальным ісламістам


Пра гэта заявіў міністар унутраных спраў Францыі Бруна Ле Ру.
Мужчына, застрэлены ў парыскім аэрапорце Арлі ў суботу пасьля спробы нападу на вайсковы патруль, быў радыкальным ісламістам, якога ведалі францускія спэцслужбы. 

Раніцай у суботу, да таго як зрабіць напад ў Арлі, мужчына, імя якога не называецца, адкрыў агонь па дарожных паліцыянтах, якія паспрабавалі спыніць яго машыну на поўнач ад Парыжу. Адзін паліцыянт быў паранены.

У аэрапорце Арлі нападнік паспрабаваў адабраць зброю ў вайсковага патруля і быў забіты. Выбуховыя тэхнікі пацьвердзілі, што «пояса сьмяротніка» на ім не было. Аэрапорт быў зачынены, некалькі тысяч чалавек, у ліку якіх апынуўся і кандыдат у прэзыдэнты Францыі Нікаля Дзюпон-Эньян, былі эвакуіраваны.

У мінулым месяцы падобны напад адбыўся каля музэю Люўр у Парыжы. У Францыі працягвае дзейнічаць уведзены пасьля тэрарыстычных нападаў рэжым надзвычайнага становішча, месцы масавага збору людзей ахоўваюць вайсковыя патрулі.

Радыё Свабода, 18 сакавіка 2017
 
Дата публикации:18.03.2017
Тематика:Новости, В мире
Просмотров:208
 
Ключевые слова:
Франция Терроризм Исламизм Авиаперевозки Безопасность
 
 


Комментарии



 



Другие новости по этой теме