https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Выяўленне "спячых ячэек", узмацненне тэхналогій вышуку - як у СНД будуць супрацьдзейнічаць тэрарызму


Прыярытэты супрацоўніцтва краін СНД у барацьбе з тэрарызмам былі абазначаны 18 лютага ў Маскве на нарадзе кіраўнікоў (начальнікаў штабоў) нацыянальных штабоў нацыянальных антытэрарыстычных цэнтраў дзяржаў - удзельніц Садружнасці, паведамілі ў прэс-цэнтры Антытэрарыстычнага цэнтра СНД (АТЦ СНД).
"З улікам прагнозу развіцця абстаноўкі на кароткатэрміновую перспектыву ў якасці прыярытэтных напрамкаў супрацоўніцтва і каардынацыі намаганняў у сферы барацьбы з тэрарызмам і экстрэмізмам АТЦ СНД абазначаны: супрацьдзеянне дзейнасці тэрарыстаў-адзіночак і "спячых ячэек" тэрарыстычных арганізацый, міждзяржаўнае ўзаемадзеянне па іх выяўленні; правядзенне фільтрацыйнай і прафілактычнай работы з асобамі, якія вярнуліся з зон павышанай тэрарыстычнай актыўнасці; інфармацыйнае супрацьдзеянне ідэалогіі тэрарызму - нарошчванне тэхналогій контрпрапаганды і інфармацыйнай барацьбы з дэструктыўнымі працэсамі; супрацьдзеянне фінансаванню і матэрыяльна-тэхнічнаму забеспячэнню членаў міжнародных тэрарыстычных арганізацый; узмацненне тэхналогій міждзяржаўнага і міжнароднага вышуку на прасторы СНД", - пералічылі ў прэс-бюро.

Кіраўнік АТЦ СНД Андрэй Новікаў падкрэсліў, што парадак дня нарады быў сфармаваны з улікам ацэнкі тэрарыстычных пагроз для дзяржаў Садружнасці ў праекцыі на кароткатэрміновую перспектыву, загадзя ўзгодненымі прыярытэтамі супрацоўніцтва ў сферы барацьбы з тэрарызмам і экстрэмізмам. Паводле яго слоў, мерапрыемства арыентавана на вырашэнне практычных задач барацьбы з тэрарызмам, узгадненне пазіцый кампетэнтных органаў, а таксама фармаванне аптымальных, апрабаваных практык у гэтай галіне.

"Удзельнікі нарады адзначылі шэраг тэндэнцый і фактараў, што ўплываюць на бяспеку дзяржаў - удзельніц СНД на сучасным этапе, - паведамілі ў прэс-бюро. - Сярод іх фармаванне "спячых ячэек" з ліку асоб, якія вяртаюцца з зон узброеных канфліктаў; працяг вярбовачнай дзейнасці ў тэрарыстычныя і экстрэмісцкія арганізацыі; распаўсюджванне членамі міжнародных тэрарыстычных арганізацый тэрарыстычнага і экстрэмісцкага кантэнту (вядзенне прапаганды); задзейнічанне тэрарыстамі новых тэхналогій, выкарыстанне імі ў тэрарыстычных мэтах робататэхнікі, а таксама дасягненняў у сферы лічбавых тэхналогій".

На палях нарады прайшла рабочая сустрэча прадстаўнікоў спецслужбаў краін СНД, дзе абмяркоўваліся пытанні падрыхтоўкі сумеснага антытэрарыстычнага вучэння "Каспій-Антытэрор-2020", ключавыя пытанні якога будуць звязаны з тэхналогіямі забеспячэння бяспекі Каспійскага рэгіёна. Цяпер праводзіцца распрацоўка сцэнарнай лініі вучэння і вызначаецца склад удзельнікаў.

У нарадзе прынялі ўдзел дэлегацыі органаў бяспекі і спецыяльных службаў (кампетэнтных органаў) Азербайджана, Арменіі, Беларусі, Казахстана, Кыргызстана, Малдовы, Расіі, Таджыкістана, Туркменістана і Узбекістана, прадстаўнікі статутных органаў і органаў галіновага супрацоўніцтва СНД, партнёрскіх міжнародных структур - Выканаўчага камітэта Рэгіянальнай антытэрарыстычнай структуры ШАС і Сакратарыята АДКБ.

Нарада кіраўнікоў (начальнікаў штабоў) нацыянальных антытэрарыстычных цэнтраў краін Садружнасці праводзіцца ў мэтах выканання дзеючай праграмы супрацоўніцтва дзяржаў СНД у барацьбе з тэрарызмам і іншымі насільнымі праявамі экстрэмізму. 19 лютага адбудзецца пленарнае пасяджэнне навукова-кансультатыўнага савета пры АТЦ СНД, дзе будуць разгледжаны пытанні супрацьдзеяння выкарыстанню робататэхнікі ў тэрарыстычных мэтах.

18 лютага 2020, Масква
Эдуард Півавар - БЕЛТА
 
Дата публикации:18.02.2020
Тематика:Новости, В мире
Просмотров:134
 
Ключевые слова:
Терроризм Экстремизм Национальная безопасность Военные учения Цифровые технологии СНГ
 
 


Комментарии



 



Другие новости по этой теме