https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


У Парыжы адкрылася выстава "Беларусь. Рэлігія. Талерантнасць"


У беларускім пасольстве ў Парыжы 10 лістапада адкрылі выставу "Беларусь. Рэлігія. Талерантнасць", падрыхтаваную пастаянным прадстаўніцтвам Беларусі пры ЮНЕСКА сумесна з Нацыянальным гістарычным музеем Рэспублікі Беларусь.
Як паведамляе прэс-служба пасольства, ганаровы патранат над выставай ажыццяўляе міністр замежных спраў Беларусі, старшыня Нацыянальнай камісіі Беларусі па справах ЮНЕСКА Уладзімір Макей.

Прэзентаваў экспазіцыю беларускі пасол у Францыі, пастаянны прадстаўнік краіны пры ЮНЕСКА Павел Латушка. 

У дні, калі ў свеце адзначаюць 100-годдзе заканчэння Першай сусветнай вайны, заўважыў дыпламат, сімвалічна, што ў Парыжы адкрылася выстава, "якая расказвае пра тое, што на беларускай зямлі заўсёды шанавалі і шануюць міжнацыянальны мір і міжканфесійную згоду".

"У ХХІ стагоддзі досвед нашай краіны, на тэрыторыі якой шмат стагоддзяў у міры і ва ўзаемаразуменні жывуць прадстаўнікі розных рэлігійных канфесій, становіцца вельмі запатрабаваным у свеце", — заявіў Латушка.

Ён адзначыў, што Беларусь "пакутавала ад войнаў, але ніколі не ініцыявала ваенныя дзеянні, і з нашай зямлі ніколі не пачнецца вайна". "І сёння беларускі сцяг лунае сярод сцягоў іншых краін у Трыумфальнай арцы і саборы Нотр-Дам-дэ-Пары ў Парыжы як сімвал прызнання ролі і ахвяр беларускага народа ў Першай сусветнай вайне", — заявіў дыпламат.

Выставу "Беларусь. Рэлігія. Талерантнасць" плануецца таксама паказаць у іншых еўрапейскіх краінах.

У Парыжы гэтымі днямі з удзелам больш як ста высокіх дзяржаўных дзеячаў (кіраўнікоў дзяржаў ці ўрадаў краін, што ваявалі, кіраўнікоў міжнародных арганізацый) праходзяць маштабныя ўрачыстасці з нагоды 100-годдзя заканчэння Першай сусветнай вайны. Для ўдзелу ў іх 10—12 лістапада ў французскай сталіцы знаходзіцца старшыня Савета Рэспублікі Нацыянальнага сходу Беларусі Міхаіл Мясніковіч.

Як паведамляе прэс-служба Савета Рэспублікі, 11 лістапада Мясніковіч возьме ўдзел у асноўных ўрачыстых мерапрыемствах — мемарыяльнай цырымоніі ля Трыумфальнай аркі.

Старшыня верхняй палаты беларускага парламента таксама паўдзельнічае ў Парыжскім форуме міру, на які запрошаныя кіраўнікі дзяржаў, урадаў, парламентаў, міжнародных арганізацый, прадстаўнікі грамадзянскай супольнасці. У праграме візіту — сустрэча Мясніковіча з прэзідэнтам сената Францыі Жэрарам Ларшэ, прадстаўнікамі беларускай дыяспары.

Мінск, 11 лістапада 2018
Андрэй Серада, БелаПАН
 
Дата публикации:11.11.2018
Тематика:Культура, В мире
Просмотров:261
 
Ключевые слова:
Франция Выставка Париж Диаспора Беларусы ў свеце Первая мировая война
 
 


Комментарии



 



Другие новости по этой теме