Курс валютпокупкапродажа
USD344.75345.8
EUR400.83403.2
RUR5.465.52
www.kurs.kz
 


 



Найти
 
 


З-за АЧС Рассельгаснагляд забараніў увоз з Беларусі жывых свіней і свінагадоўчай прадукцыі


У сувязі з васьмю выпадкамі выяўлення генетычнага матэрыялу віруса афрыканскай чумы свіней (АЧС) у гатовай мясной беларускай прадукцыі Рассельгаснагляд уводзіць часовыя абмежаванні на пастаўкі свінагадоўчай прадукцыі з усёй тэрыторыі Беларусі з 10 красавіка.
Паводле паведамлення ведамства, абмежаванні закрануць жывых свіней і іх генетычны матэрыял; свініну і сырыя свіныя мясапрадукты і субпрадукты; гатовую прадукцыю са свініны або прадукцыю, якая змяшчае ў сваім складзе свініну, сыравіну жывёльнага паходжання (са свініны), прызначаную для вытворчасці кармоў для непрадуктыўных жывёл і пушных звяроў, за выключэннем тавараў, якія прайшлі апрацоўку па тэхналогіі, што гарантуе разбурэнне віруса АЧС; мяса ад дзікоў, рогакапытную, гарбарную, кішачную сыравіну, шчацінне, паляўнічыя трафеі, атрыманыя ад успрымальных відаў жывёл, якія не прайшлі поўную таксідэрмічную апрацоўку; усе віды кармоў і кармавых дабавак для свіней, за выключэннем кармавых дабавак хімічнага і мікрабіялагічнага сінтэзу і гатовых кармоў, якія прайшлі тэрмічную апрацоўку (тэмпература не ніжэйшая +70 градусаў, час апрацоўкі не меншы за 20 хвілін).

Абмежавальныя меры Рассельгаснагляд вымушаны прыняць у сувязі з выяўленнем геному віруса АЧС у сасісках "Кракаўскія" і варанай каўбасе "Часночная Смак" Гомельскага мясакамбіната. Даследаванне праводзіла Бранская міжабласная ветэрынарная лабараторыя. Яе высновы пацвердзіў Федэральны цэнтр аховы здароўя жывёл.

5 сакавіка Рассельгаснагляд на адрас ветэрынарнай службы Беларусі накіраваў ліст з просьбай удакладніць "эпізаатычны стан тэрыторыі краіны, у тым ліку па афрыканскай чуме свіней". "Адказ на запыт служба не атрымала, разам з тым у тэлефонным рэжыме беларускія калегі запэўнілі Рассельгаснагляд у тым, што ўспышак захворвання на тэрыторыі рэспублікі не адзначаецца", — гаворыцца ў рэлізе.

"Такім чынам, указанае дазваляе выказаць меркаванне аб утойванні ветэрынарнай службай Рэспублікі Беларусь факта прысутнасці віруса АЧС на тэрыторыі краіны", — робіць выснову ведамства.

Наяўнасць геному віруса АЧС у прадукцыі "кажа аб неправядзенні адпаведных лабараторных даследаванняў жывых жывёл і сыравіны пры вытворчасці прадукцыі на беларускіх прадпрыемствах, а таксама аб перапрацоўцы мяса хворых жывёл у гатовую прадукцыю".

Абмежаванні будуць дзейнічаць "да высвятлення эпізаатычнай сітуацыі ў Рэспубліцы Беларусь, правядзення перамоў і ажыццяўлення рэгіяналізацыі ветэрынарнай службай Рэспублікі Беларусь".

БелаПАН
Мінск, 9 красавіка 2018
 
Дата публикации:09.04.2018
Тематика:Товары из Беларуси, В мире
Просмотров:96
 
Ключевые слова:
АЧС Свинина Вирус Санитария Ветеринария Эпизоотия
 
 


Комментарии



 



Другие новости по этой теме