https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


Нацыянальная экспазіцыя Беларусі адкрылася на выстаўцы FoodAgro ў Кеніі


Аб гэтым паведамілі ў Нацыянальным цэнтры маркетынгу Міністэрства замежных спраў, што з`яўляецца арганізатарам экспазіцыі.
1 жніўня на міжнароднай выставе прадуктаў харчавання, гасцінічнага бізнесу і сельскай гаспадаркі FoodAgro ў Найробі (Кенія) пачала работу Нацыянальная экспазіцыя Беларусі.

Сваю прадукцыю прадставілі прадпрыемствы канцэрна "Белдзяржхарчпрам", ААТ "Кіруючая кампанія холдынга "Лідсельмаш", адкрытыя акцыянерныя таварыствы "Гомсельмаш", "МТЗ", "МАЗ", "Бабруйскаграмаш", "Лідахлебапрадукт", а таксама ўнітарнае прадпрыемства "Смаргонскі камбінат хлебапрадуктаў".

Ва ўрачыстым адкрыцці экспазіцыі прынялі ўдзел пасол Беларусі ў Кеніі Дзмітрый Куптэль, прадстаўнікі Кенійскай нацыянальнай гандлёва-прамысловай палаты, Міністэрства прамысловасці, гандлю і кааператываў Рэспублікі Кенія. FoodAgro - састаўная частка буйнейшага выставачнага мерапрыемства ва Усходняй Афрыцы - Kenya International Trade Exhibition (KITE).

У гэтым годзе выстаўка будзе праходзіць 22-і раз. Беларусь упершыню прымае ў ёй удзел. Форум прадоўжыцца па 3 жніўня.

Плануецца, што ўдзел Беларусі ў выстаўцы будзе садзейнічаць прасоўванню на кенійскі рынак беларускай сельскагаспадарчай тэхнікі і абсталявання, угнаенняў, сельгаспрадукцыі, а таксама стане стартавай пляцоўкай для выхаду беларускіх прадпрыемстваў на рынкі краін КОМЕСА (інтэграцыйнае аб`яднанне Усходняй і Паўднёвай Афрыкі).

1 жніўня 2019, Мінск
БЕЛТА
 
Дата публикации:01.08.2019
Тематика:Товары из Беларуси, В мире
Просмотров:30
 
Ключевые слова:
Африка Кения FoodAgro Продовольственная безопасность Сельское хозяйство
 
 


Комментарии



 



Другие новости по этой теме