Курс валютпокупкапродажа
USD346.61347.66
EUR403.66406.48
RUR5.445.51
www.kurs.kz
 


 



Найти
 
 


Літва дазволіла ЕГУ працягнуць працу


Еўрапейскі гуманітарны ўніверсітэт пасля праведзенай у снежні праверкі мог пазбавіцца акрэдытацыі ў Вільні.
Літоўскі ўрад вырашыў даць дазвол Еўрапейскаму гуманітарнаму ўніверсітэту (ЕГУ) працягваць сваю дзейнасць, паведамляе прэс-служба Міністэрства адукацыі краіны.

З гэтай мэтай універсітэт да 1 ліпеня 2019 года павінен падаць заяўку на атрыманне новай ліцэнзіі на правядзенне навучання і звязанай з гэтым дзейнасці, пры гэтым ЕГУ абавязалі ўмацаваць свой акадэмічны і навуковы патэнцыял.

"Пасля таго часу, калі была дадзена негатыўная ацэнка вынікаў дзейнасці, універсітэт змог палепшыць становішча ў галіне кіравання і фінансавання — менавіта гэтыя аспекты выклікалі найбольшую заклапочанасць", — адзначаецца ў паведамленні ведамства.

Мінадукацыі Літвы таксама правядзе ацэнку плана дзеянняў ЕГУ па ўдасканаленні дзейнасці і пры неабходнасці прадаставіць універсітэту рэкамендацыі па яго паляпшэнні.

У снежні камісія Цэнтра ацэнкі якасці адукацыі краіны дала негатыўнае заключэнне па працы ЕГУ і парэкамендавала не працягваць яго акрэдытацыю. Міжнародная экспертная група, якая разглядала працу ВНУ, складалася з прадстаўнікоў Македоніі, Ірландыі, Фінляндыі, Вялікабрытаніі і Літвы.

ЕГУ ў 2004 годзе быў адкрыты ў Мінску, затым перабраўся ў Вільню і пазіцыянуе сябе як беларуская ВНУ ў выгнанні. У гэтым навучальным годзе ва ўніверсітэце праходзяць навучанне 847 студэнтаў, з якіх 95% — грамадзяне Беларусі.

Мінск, 1 лютага 2018
Sputnik
 
Дата публикации:01.02.2018
Тематика:Образование, В мире
Просмотров:213
 
Ключевые слова:
Вільня Литва Европейский гуманитарный университет
 
 


Комментарии



 



Другие новости по этой теме