https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


"Жоўтыя камізэлькі" ў час пратэстаў у Францыі сапсавалі 60 адсоткаў дарожных камер


Удзельнікі руху "жоўтых камізэлек" у Францыі папсавалі амаль 60 адсоткаў відэакамер, якія фіксуюць хуткасць руху на дарогах. Аб гэтым заявіў міністр унутраных спраў краіны Крыстоф Кастанер.
Камеры ў многіх выпадках заклейваюць клейкай стужкай або зафарбоўваюць, сляды такіх актаў вандалізму назіраюцца па ўсёй Францыі.

Усяго ў краіне ўстаноўлена 3,2 тыс. камер фіксацыі скорасці, больш за палавіну з іх у час пратэстаў "жоўтых камізэлек" перасталі функцыянаваць.

Да з`яўлення міністра ўнутраных спраў Францыі аб маштабах гэтай праблемы вядома не было. У пачатку 2018 года французскія ўлады знізілі гранічную хуткасць на аўтадарогах з 90 да 80 км/гадз, што выклікала нездавальненне ў многіх кіроўцаў.

Першапачаткова ўдзельнікі руху "жоўтых камізэлек" абвінавачвалі ўладу ў неэфектыўным кіраванні краінай і недастатковых мерах па барацьбе з беднасцю, аднак пазней іх гнеў абярнуўся супраць абавязковых у Францыі збораў - у прыватнасці штрафаў за перавышэнне хуткасці.

На гэтым тыдні прэм`ер-міністр Францыі Эдуард Філіп аб`явіў аб планах урада ўзмацніць меры адказнасці для ўдзельнікаў несанкцыянаваных пратэстаў.

Урад плануе распрацоўку новага заканадаўства, у якім акцэнт будзе зроблены на тым, што за ўрон, нанесены бізнесу або ўласнасці ў час вулічных пратэстаў, павінны будуць плаціць бунтаўшчыкі, а не падаткаплацельшчыкі.

У Францыі прайшлі ўжо восем агульнанацыянальных акцый пратэсту, некаторыя з іх не абышліся без сур`ёзных сутычак з паліцыяй, а таксама падпалаў і рабаванняў. У час беспарадкаў загінулі не менш як шэсць чалавек і яшчэ каля 1,4 тыс. атрымалі траўмы.

11 студзеня 2019, Мінск
БЕЛТА
 
Дата публикации:11.01.2019
Тематика:Транспорт, В мире
Просмотров:271
 
Ключевые слова:
Франция "Жёлтые жилеты" Беспорядки Скоростной режим Дорожное движение
 
 


Комментарии



 



Другие новости по этой теме