Сем жыхароў Вялікабрытаніі, якія прышчапілісь вакцынай ад каранавіруса брытанска-шведскай кампаніі AstraZeneca і Оксфардскага ўніверсітэта, памерлі пасля ўтварэння ў іх тромбаў.
Раней агенцтва інфармавала, што ў перыяд да 24 сакавіка ўключна ў краіне было атрымана 22 паведамленні аб выпадках трамбозу сінусаў цвёрдай мазгавой абалонкі і восем паведамленняў аб іншых выпадках трамбаўтварэння на фоне трамбацітапеніі. Пры гэтым медыцынскія ўлады заявілі, што пакуль няма звестак, якія б сведчылі пра магчымую ўзаемасувязь паміж ужываннем оксфардскага прэпарата і ўтварэннем тромбаў. Усяго, па стане на 24 сакавіка, жыхарам каралеўства было ўведзена 18,1 млн доз вакцыны кампаніі AstraZeneca.
«Карысць ад прымянення вакцын ад COVID-19 AstraZeneca у пытанні прадухілення заражэння і захворванні ў цяжкай форме па-ранейшаму пераважае любыя рызыкі», — падкрэсліла кіраўнік MHRA Джун Рэйн.
У той жа час рэгулятар пакуль не атрымліваў інфармацыі аб падобных выпадках ўтварэння тромбаў сярод прышчэпленых вакцынай амерыканскай кампаніі Pfizer і яе германскага партнёра BioNTech, якая выкарыстоўваецца ў краіне не так шырока, як прэпарат кампаніі AstraZeneca.
У сакавіку некаторыя дзяржавы пасля паведамленняў пра смяротныя выпадкі ў выніку ўтварэння тромбаў у сасудах галаўнога мозгу сярод людзей, якія атрымалі вакцыну ад AstraZenecа, часова прыпынілі выкарыстанне прэпарата. Большасць з іх пачалі зноў ужываць брытанскую вакцыну пасля таго, як MHRA і Еўрапейскае агенцтва лекавых сродкаў абвясцілі аб яе бяспецы і эфектыўнасці. У самым Злучаным Каралеўстве выкарыстанне вакцыны не спынялася.
Звязда, 3 красавіка 2021
