Курс валютпокупкапродажа
USD370.54372.32
EUR419.78422.95
RUR5.575.63
www.kurs.kz
 


 



Найти
 
 


Беларусь здолела не толькі захаваць сваю самабытнасць і ментальнасць, але і пераняць многае з іншых культур


Аб гэтым заявіў міністр замежных спраў Уладзімір Макей, выступаючы на фестывалі "У Беларусі як дома" 1 ліпеня ў Мінску.
Паводле запрашэння МЗС удзел у імпрэзе ўзялі кіраўнікі і супрацоўнікі дыпламатычных місій, акрэдытаваных у Беларусі, са сваімі сем`ям. 

"Знаходзячыся ў геаграфічным цэнтры Еўропы, на скрыжаванні культур, рэлігій, інтарэсаў сусветных цэнтраў сілы, мы здолелі не толькі захаваць і пранесці з годнасцю праз стагоддзі нашу самабытнасць і ментальнасць, але і пераняць многае з іншых культур, каштоўнасцяў і традыцый", — цытуе міністра прэс-служба МЗС. 

Макей адзначыў, што сёння ў Беларусі ў міры і згодзе жывуць прадстаўнікі прыблізна 140 нацыянальнасцяў і 26 канфесій.

Паводле слоў міністра, гэта стала магчымым дзякуючы ў тым ліку характэрным рысам нацыянальнага менталітэту беларусаў — гасціннасці і ветлівасці, міралюбнасці, непрыманню канфліктаў і войнаў. 

Як адзначыла прэс-служба, нефармальная сустрэча дыпламатаў, якая ў такім фармаце адбываецца другі раз, закліканая праілюстраваць разнастайнасць культур і адначасова паказаць падабенства духоўных крыніц беларускага народа і народаў краін, прадстаўнікі якіх наведалі фестываль. 

Макей падкрэсліў важнасць правядзення такіх мерапрыемстваў, "якія дазваляюць усім удзельнікам бліжэй пазнаёміцца з нацыянальным каларытам, кухняй і традыцыямі не толькі нашай краіны, але і іншых народаў, краін, рэгіёнаў і нават кантынентаў". 

Удзельнікам мерапрыемства была прэзентаваная выстава малюнкаў дзяцей прадстаўнікоў дыпламатычнага корпусу і МЗС Беларусі ў рамках конкурсу "Колеры і сімвалы маёй Радзімы". Кожнаму з юных мастакоў Макей уручыў дыплом МЗС. 

Калекцыі сучаснай беларускай нацыянальнай вопраткі дызайнераў Надзеі Лунёвай і Анастасіі Фальковіч гасцям фестывалю прадэманстравалі мадэлі Нацыянальнай школы прыгажосці і агенцтва "Млын моды". На фестывалі выступілі цымбальны ансамбль ракаўскай музычнай школы Ars Longa і ўдзельнікі вакальнай студыі "Нясумны ўзрост".

БелаПАН
Мінск, 2 ліпеня 2018
 
Дата публикации:02.07.2018
Тематика:Культура, Национальные центры
Просмотров:149
 
Ключевые слова:
Фэст культуры "У Беларусі як дома"
 
 


Комментарии



 



Другие новости по этой теме