https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


Памёр Хведар Нюнька


15 жніўня памёр Хведар Нюнька, сябра Рады і адзін з заснавальнікаў ЗБС “Бацькаўшчына“, вядомы беларускі грамадска-культурны дзеяч у Літве. Яму было 90 гадоў. Смерць сталася наступствам сур’ёзнай траўмы, атрыманай у верасні мінулага году.
Хведар Якубавіч стаяў ля вытокаў Таварыства беларускай культуры ў Літве, якое ўзначальваў дваццаць пяць гадоў, ад моманту заснавання, спрыяючы адраджэнню, захаваню і пашырэнню беларускай прысутнасці ў Літоўскай Рэспубліцы.

Дзякуючы дзейнасці спадара Хведара ў Вільні сёння працуе беларуская гімназія, імёнамі славутых беларусаў названыя некаторыя вуліцы горада, на магілах беларускіх дзеячаў усталяваныя помнікі і дзясяткі мемарыяльных дошак, а таксама захаванае месца забойства Кастуся Каліноўскага на Лукішскім пляцы. Пад кіраўніцтвам Хведара Нюнькі Таварыствам беларускай культуры былі праведзеныя пяць Канферэнцый беларусаў Балтыі.

Хведар Нюнька ўражваў сваёй нястомнасцю, энергічнасцю і меў актыўную грамадзянскую пазіцыю, заўжды браў актыўны ўдзел у грамадкіх акцыях і кампаніях –  выступаў у абарону беластоцкай газеты “Ніва”, у падтрымку Дома Марыянаў у Лондане, дапамагаў усталёўваць крыжы ў Курапатах... Усяго не пералічыць.

З “Бацькаўшчынай” Хведар Якубавіч быў ад самага пачатку, і не пакідаў Згуртаванне без падтрымкі нават у самыя неспрыяльныя для арганізацыі перыяды. Ён быў верным сябрам і паплечнікам нашага Згуртавання. Смерць Хведара Нюнькі для нас – непапраўная страта. 

ЗБС „Бацькаўшчына“ выказвае спачуванні родным спадара Хведара, а таксама ўсім, хто яго ведаў. Мы шчыра смуткуем разам з вамі.

Развітацца з Хведарам Нюнькам можна 16 жніўня а 17:30 (Селю, 21-2). Адпяванне і пахаванне адбудзецца 17 жніўня а 13:30 ў Еўфрасіннеўскім саборы, што пры могілках на Ліпоўке.

Управа МГА “ЗБС “Бацькаўшчына”
Мінск, 15 жніўня 2018
 
Дата публикации:15.08.2018
Тематика:Культура, Национальные центры
Просмотров:361
 
Ключевые слова:
Вільня Беларусы ў свеце Хведар Нюнька Литва Некролог
 
 


Комментарии



 



Другие новости по этой теме