https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


У Беларусі ўшануюць ахвяраў Катыні і смаленскай катастрофы


10-га красавіка аддзелы Саюзу палякаў па ўсёй Беларусі ўшануюць ахвяраў катынскай трагедыі і смаленскай катастрофы.
Паводле Анжалікі Борыс, старшыні непрызнанага беларускімі ўладамі Саюзу палякаў (СПБ), у Менску 10 красавіка з ініцыятывы амбасады Польшчы ў Беларусі сябры мясцовай арганізацыі СПБ возьмуць удзел у сьвятой імшы і жалобным канцэрце, які адбудзецца ў менскім катэдральным касьцёле.

Горадзенскае аддзяленьне Саюзу палякаў сумесна з прадстаўнікамі консульства Польшчы ў Горадні памянуць ахвяраў катынскай трагедыі і смаленскай катастрофы каля «Катынскага крыжа» на Гарнізонных могілках. Пасьля гэтага ў пабэрнардынскім касьцёле Горадні адбудзецца сьвятая імша па ахвярах катынскай трагедыі і смаленскай катастрофы.

Жалобныя імпрэзы, паводле Борыс, маюць таксама адбыцца ў Берасьці. У касьцёле адбудзецца імша, пасьля чаго адбудзецца прагляд фільму «W imię honoru».

Анжаліка Борыс расказала Свабодзе, што 7 красавіка дэлегацыя ў складзе ста сяброў СПБ з розных гарадоў Беларусі наведалі месца катынскай трагедыі, а таксама месца катастрофы ТУ-154 побач з аэрапортам «Паўночны» ў Смаленску, дзе 8 гадоў таму загінулі 96 прадстаўнікоў эліты польскай дзяржавы, у тым ліку прэзыдэнт Рэспублікі Польшча Лех Качыньскі з жонкай Марыяй Качыньскай.

​«Для нас было вельмі важна памаліцца каля „Катынскага крыжа“, прыгадаць ахвяраў катынскай трагедыі і ўшанаваць іх памяць, — сказала Борыс. — А таксама важна было наведаць месца катастрофы ўрадавага самалёта, у якім загінулі 96 прадстаўнікоў польскай эліты. Многія з гэтых людзей непасрэдна апекаваліся Саюзам палякаў Беларусі, дапамагалі нам, мы іх асабіста ведалі і заўсёды ўдзячныя за ўсё, што яны для нас зрабілі. І гэта ніколі не забываецца», — сказала Анжаліка Борыс.
_________________________________________

У катастрофе польскага ўрадавага самалёта 10 красавіка 2010 году пад Смаленскам загінуў прэзыдэнт Польшчы Лех Качыньскі і 95 чалавек з урадавай дэлегацыі ды экіпажу самалёта. Дэлегацыя ляцела ў Катынь ушанаваць ахвяраў катынскага расстрэлу — масавага зьнішчэньня савецкімі ўладамі ў 1940 годзе польскіх грамадзянаў (у асноўным палонных афіцэраў Польскага войска). У Катыні і іншых месцах масавых забойстваў палякаў было расстраляна звыш 20 тысяч чалавек.

Радыё Свабода, 10 красавіка 2018
 
Дата публикации:10.04.2018
Тематика:Культура, Национальные центры
Просмотров:841
 
Ключевые слова:
Союз поляков Беларуси Смаленск Авиакатастрофа Памятные даты Катынь Лех Качыньски
 
 


Комментарии



 



Другие новости по этой теме