https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


У Омску падчас Дзён Мінска падпісаныя шэраг пагадненняў


Падчас Дзён Мінска, якія праходзяць у Омску, падпісаныя шэраг пагадненняў і кантрактаў, паведаміла прэс-служба пасольства Беларусі ў Расіі.
Так, падпісаныя пагадненні аб супрацоўніцтве паміж гарадскімі саветамі дэпутатаў, гандлёва-прамысловымі палатамі і бізнес-кампаніямі.

У дэпартаменце гарадской эканамічнай палітыкі адміністрацыі Омска паведамілі, што ў кантактнай біржы, якая прайшла ў межах расійска-беларускага бізнес-форуму 25 ліпеня, узялі ўдзел прыкладна 50 омскіх кампаній, арганізацый і ўстаноў. У складзе мінскай дэлегацыі прадстаўнікі вядучых заводаў і прадпрыемстваў, што працуюць у розных галінах: машынабудаванні, харчовай прамысловасці, вытворчасці оптыка-электронных прыбораў, турызме.

Адбылося больш за 60 сустрэч, больш за палову з іх самі ўдзельнікі ацанілі як дзейсныя. Падпісаныя тры пагадненні аб супрацоўніцтве.

Прадпрыемства "Мінскхлебпрам" дамовілася аб пастаўках кандытарскіх вырабаў з Беларусі. Мінскі трактарны завод (праз дылера ТАА "Сібірская база") падпісаў пагадненне аб арганізацыі вытворчасці трактарных кампанентаў і рамдэталяў для аказання сэрвісных паслуг у Омскай вобласці.

"Дамоўленасці аб супрацоўніцтве дасягнутыя ў розных сферах: на ўзроўні органаў прадстаўнічай улады, гандлёва-прамысловых палат і бізнесу. Гэта, на наш погляд, дазваляе высока ацэньваць вынікі Дзён Мінска ў нашым горадзе", — адзначыла дырэктар дэпартамента гарадской эканамічнай палітыкі Вольга Парфёнава.

Дні Мінска ў Омску працягваюцца. Сёння беларуская дэлегацыя наведвае прамысловыя прадпрыемствы расійскага рэгіёна.

Марына Носава, БелаПАН
Мінск, 26 ліпеня 2017
 
Дата публикации:26.07.2017
Тематика:Товары из Беларуси, Разное
Просмотров:984
 
Ключевые слова:
Товарооборот Беларусь-Россия Омск День города
 
 


Комментарии



 



Другие новости по этой теме