https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Сюрпрыз: прадукцыю Kinder адклікаюць з рынку Беларусі


Не ўвесь Kinder адбіраюць з беларускіх крам, а толькі той, які есці нельга.
Дзяржаўнае аб`яднанне "Сталічны гандаль і паслугі" Мінгарвыканкама паведаміла аб адкліканні прадукцыі Kinder з рынку Беларусі.

У МАРГ прыйшоў ліст ЗАТ "Ферэра Русія" аб добраахвотным адкліканні з беларускай асобнай прадукцыі Kinder, вырабленай на фабрыцы Ferrero у горадзе Арлон (Бельгія).

"Цяпер з рынку Беларусі добраахвотна адклікаецца прадукцыя Kinder, вырабленая з 1 чэрвеня 2021 года па 8 красавіка 2022 года на фабрыцы Ferrero, у тым ліку яйка Kinder Сюрпрыз Maxi з малочнага шакаладу з малочным унутраным пластом і цацкай унутры, 100 грамаў", – гаворыцца ў паведамленні.

Таксама адбіраюцца цукеркі Kinder Schoko-Bons з малочнага шакаладу з малочна-арэхавым начыннем, цукеркі Kinder Schoko-Bons з малочнага шакаладу з малочна-арэхавым начыннем, навагоднія наборы, у склад якіх уваходзіць Kinder Schoko-Bons, набор кандытарскіх вырабаў Kinder Mix з навагодняй гульнёй "Калядная вёска", а таксама набор кандытарскіх вырабаў Kinder Happy Moments.

У аб`яднанні адзначылі, што ўся астатняя прадукцыя Kinder, вырабленая на іншых фабрыках Ferrero, бяспечная і адкліканню не падлягае.

Таксама паведамляецца, што спажыўцам, якія набылі ўказаную прадукцыю, не рэкамендуецца яе ўжываць. Грамадзяне могуць захаваць яе і звязацца са службай падтрымкі спажыўцоў для атрымання кампенсацыі.

Што не так з Kinder

У канцы красавіка Агенцтва харчовай бяспекі Бельгіі прыпыніла працу шакаладнай фабрыкі Ferrero у муніцыпалітэце Арлон з-за шматлікіх выпадкаў сальманелёзу.

Пракуратура па гэтым факце пачала расследаванне. Адзначалася, што гаворка ідзе аб выяўленні сальманелы ў такой прадукцыі, як Kinder Surprise, Kinder Surprise Maxi, Kinder Mini Eggs і Schoko-bons.

Пасля закрыцця вытворчасці кампанія пачала канфіскоўваць дадзеныя тавары з крам па ўсім свеце.

Мінск, 30 красавіка 2022
Sputnik
 
Дата публикации:30.04.2022
Тематика:Новости, Разное
Просмотров:918
 
Ключевые слова:
Сальмонелла Киндер Сюрприз
 
 


Комментарии



 



Другие новости по этой теме